ଓଏଲ୍ ବ୍ୟୁରୋ: ଆଜିଠୁ ୩ ଦିନିଆ ଓଡ଼ିଶା ଗସ୍ତରେ ଆସୁଛନ୍ତି ପ୍ରବର୍ତ୍ତନ ନିର୍ଦ୍ଦେଶାଳୟର ମୁଖିଆ। ଆଜି ଓଡ଼ିଶା ଆସିବେ ଇଡି ନିର୍ଦ୍ଦେଶକ ରାହୁଲ ନବୀନ। ଏହି ଗସ୍ତ ଅବସରରେ ଜଗନ୍ନାଥ ଦର୍ଶନ କରିବା ସହିତ ଗୁରୁତ୍ବପୂର୍ଣ୍ଣ ବୈଠକରେ ଯୋଗ ଦେବେ ଇଡି ମୁଖ୍ୟ।
ମିଳିଥିବା ସୂଚନା ମୁତାବକ, ମଙ୍ଗଳବାର ରାତି ପାଖାପାଖୀ ୮ଟାରେ ଭୁବନେଶ୍ବର ବିମାନବନ୍ଦରରେ ପହଁଞ୍ଚିବେ। ଏହାପରେ ପୁରୀ ଅଭିମୁଖେ ଗସ୍ତ କରିବେ। ସେଠାରେ ରାତ୍ରୀ ଯାପନ କରିବା ପରେ ୨୮ ତାରିଖ ସକାଳୁ ପୁରୀରୁ କଟକ ଅଭିମୁଖେ ଯିବେ ଇଡି ମୁଖ୍ୟ। ପରେ ସନ୍ଧ୍ୟାବେଳକୁ ପୁରୀ ଫେରି ଆସିବେ।
ପୁରୀ ଫେରି ଇଡି ମୁଖ୍ୟ ଠାକୁରଙ୍କ ସନ୍ଧ୍ୟା ଦର୍ଶନ କରିବେ। ୨୯ ତାରିଖ ରାତିରେ ପୁରୀରୁ ଭୁବନେଶ୍ବର ଇଡି କାର୍ଯ୍ୟାଳୟକୁ ଆସିବେ। ସମସ୍ତ କାର୍ଯ୍ୟକ୍ରମ ସାରି ୨୯ ତାରିଖ ଅପରାହ୍ନ ୩ଟାରେ ଦିଲ୍ଲୀ ଫେରିଯିବେ ବୋଲି ଜଣାପଡ଼ିଛି।