ଓଏଲ୍ ବ୍ୟୁରୋ: ବାଜି ସାରିଛି ବିଗୁଲ। ଆଉ ମାସକ ପରେ ଅନୁଷ୍ଠିତ ହେବ ହରିୟାଣା ବିଧାନସଭା ନିର୍ବାଚନ। ତାରିଖ ଘୋଷଣା ପରେ ସମସ୍ତ ରାଜନୈତିକ ଦଳ ନିର୍ବାଚନ ବୈତରଣୀ ପାର କରିବା ପାଇଁ ଆରମ୍ଭ କରିଛନ୍ତି ରଣ କୌଶଳ। ଏସବୁ ମଧ୍ୟରେ ସାମ୍ନାକୁ ଆସିଛି ବଡ଼ ଖବର। ନିର୍ବାଚନ ତାରିଖ ଘୋେଣା ହେବା ପରେ ଯେଉଁ ଚର୍ଚ୍ଚା ଲାଗି ରହିଥିଲା ଏବେ ସେହି ଚର୍ଚ୍ଚାରେ ଖୁବଶୀଘ୍ର ପଡ଼ିପାରେ ବିରାମ।
ନିର୍ବାଚନକୁ ନେଇ ଭିନ୍ନ ଭିନ୍ନ ଆକଳନ ଚାଲିଥିବାବଳେ ଭିନେଶ ଫୋଗାଟ ଓ ରାହୁଲ ଗାନ୍ଧୀଙ୍କ ଫଟୋ ସାମ୍ନାକୁ ଆସିଛି। ଭାରତୀୟ କୁସ୍ତି ଖେଳାଳି ଭିନେଶ ଫୋଗାଟ ଓ ବଜରଙ୍ଗ ପୁନିଆ ଲୋକସଭାରେ ବିରୋଧୀ ଦଳ ନେତା ରାହୁଲ ଗାନ୍ଧୀଙ୍କୁ ସାକ୍ଷାତ କରିଛନ୍ତି। ଯାହାର ଫଟୋ ଏବେ ସବୁଆଡ଼େ ଘୁରି ବୁଲୁଛି। ଏହାରି ମଧ୍ୟରେ ଭିନେଶ ଫୋଗାଟ ହରିୟାଣା ବିଧାନସଭା ନିର୍ବାଚନରେ କଂଗ୍ରେସ ଟିକେଟରୁ ନିର୍ବାଚନ ଲଢ଼ି ପାରନ୍ତି।
ବିଗତ କିଛିଦିନ ହେବ ଭିନେଶ ଫୋଗାଟ କଂଗ୍ରେସରେ ଯୋଗ ଦେବେ ବୋଲି ଚର୍ଚ୍ଚା ହୋଇ ଆସୁଛି। ଏବେ ରାହୁଲ ଗାନ୍ଧୀଙ୍କ ସହ ସାକ୍ଷାତକାର ଫଟୋ ଭାଇରାଲ ହେବାପରେ ଚର୍ଚ୍ଚା ଆହୁରି ବଢ଼ିବାରେ ଲାଗିଛି।