ଓଏଲ୍ ବ୍ୟୁରୋ: ରାଜନୀତିରେ ଏଣ୍ଟ୍ରି ମାରିଲେ ଟି-୨୦ କ୍ରିକେଟରୁ ଅବସର ନେଇଥିବା ଟିମ୍ ଇଣ୍ଡିଆର ଷ୍ଟାର ଖେଳାଳି। ଟି-୨୦ ବିଶ୍ବକପ୍ ୨୦୨୪ର ବିଶ୍ବ ବିଜୟୀ ଭାରତୀୟ ଦଳର ଷ୍ଟାର ଖେଳାଳି ରବିନ୍ଦ୍ର ଜାଡେଜା ଭାରତୀୟ ଜନତା ପାର୍ଟିରେ ଯୋଗ ଦେଇଛନ୍ତି। ବିଜେପିର ସଦସ୍ୟତା ଅଭିଯାନ ଚାଲିଥିବା ବେଳେ ରବିନ୍ଦ୍ର ଜାଡେଜା ସଦସ୍ୟତା ଗ୍ରହଣ କରିଚନ୍ତି।
ଜାଡେଜାଙ୍କ ଧର୍ମପତ୍ନୀ ରିବାବା ଗୁଜରାଟ ଜାମନଗରର ବିଜେପି ବିଧାୟିକା ଅଛନ୍ତି। ରିବାବା ନିକଟରେ ସୋସିଆଲ ମିଡିଆରେ ଜାଡେଜାଙ୍କ ସଦସ୍ୟତା ଗ୍ରହଣ କରିବା ସମ୍ପର୍କରେ ଏକ ପୋଷ୍ଟ କରିଥିଲେ। ପୋଷ୍ଟ ଜରିଆରେ ରିବାବା ଲେଖିଛନ୍ତି, ରବିନ୍ଦ୍ର ଜାଡେଜା ବିଜେପି ସଦସ୍ୟତା ଗ୍ରହଣ କରିଛନ୍ତି। ରିବାବାଙ୍କ ଏଭଳି ପୋଷ୍ଟ ପରେ ସକ୍ରିୟ ରାଜନୀତିରେ ଖୁବଶୀଘ୍ର ଜାଡେଜାଙ୍କ ଏଣ୍ଟ୍ରି ହେବ ବୋଲି ରାଜନୈତିଜ୍ଞ ବିଶେଷଜ୍ଞ କହିଛନ୍ତି।
ସୂଚନାଥାଉକି, ଟି-୨୦ ବିଶ୍ବକପ୍ ଜିତିବା ପରେ ଟି-୨୦ ଫର୍ମାଟରୁ ସନ୍ନ୍ୟାସ ଘୋଷଣା କରିଥିଲେ ଜାଡେଜା। ହେଲେ ପୂର୍ବପରି ଦିନିକିଆ ଓ ଟେଷ୍ଟ କ୍ରିକେଟ ଖେଳ ଜାରି ରଖିବେ।