ଓଏଲ୍ ବ୍ୟୁରୋ: ବିଭିନ୍ନ ବିଶିଷ୍ଟ ବ୍ୟକ୍ତି ଏବଂ ସଂସ୍ଥାର ସୋସିଆଲ ମିଡିଆ ପ୍ଲାଟଫର୍ମ ହ୍ୟାକ୍ ହେବା ନେଇ ଖବର ଆସୁଥିବା ବେଳେ, ଏବେ ସୁପ୍ରିମକୋର୍ଟଙ୍କ ଚ୍ୟାନେଲକୁ ବି ହ୍ୟାକ୍ କରା ଯାଇଥିବା ଜଣାପଡ଼ିଛି। ବିଭିନ୍ନ ବିଶିଷ୍ଟ ବ୍ୟକ୍ତି ଏବଂ ସଂସ୍ଥାର ସୋଶାଲ ମିଡିଆ ପ୍ଲାଟଫର୍ମ ହ୍ୟାକ୍ ହେବା ନେଇ ଖବର ଆସୁଥିବା, ଏବେ ସୁପ୍ରିମକୋର୍ଟଙ୍କ ଚ୍ୟାନେଲକୁ ବି ହ୍ୟାକ୍ କରା ଯାଇଥିବା ଜଣାପଡ଼ିଛି।
ସୁପ୍ରିମକୋର୍ଟର ୟୁଟ୍ୟୁବ ଚ୍ୟାନେଲରେ ଶୁକ୍ରବାର ଆମେରିକୀୟ କମ୍ପାନୀ ରିପଲ୍ ଲ୍ୟାବ୍ସ ଦ୍ଵାରା ନିର୍ମିତ କ୍ରିପ୍ଟୋକରେନ୍ସିକୁ ପ୍ରୋତ୍ସାହିତ କରୁଥିବା ଏକ ଭିଡିଓ ଦେଖିବାକୁ ମିଳିଥିଲା। କିନ୍ତୁ ଭିଡିଓ ଖୋଲିବା ପରେ ସେଥିରେ କିଛି ଦେଖାଯାଇନଥିଲା। ଭିଡିଓ ତଳେ ଏକ କ୍ୟାପ୍ସନରେ ଲେଖାଥିଲା, ‘‘ବ୍ରାଡ ଗାର୍ଲିଙ୍ଗହାଉସ: ରିପଲ ରେସପଣ୍ଡ୍ସ ଟୁ ଦି ଏସଇସି ୨ ବିଲିୟନ ଡଲାର ଫାଇନ୍! ଏକ୍ସଆରପି ପ୍ରାଇସ୍ ପ୍ରେଡିକ୍ସନ।’’
ସୂଚନାଥାଉକି, ସାମ୍ବିଧାନିକ ଖଣ୍ଡପୀଠଙ୍କ ନିକଟରେ ତାଲିକାଭୁକ୍ତ ତଥା ଜନସାଧାରଣଙ୍କ ସ୍ୱାର୍ଥ ସହ ଜଡିତ ମାମଲାଗୁଡ଼ିକର ଲାଇଭ୍ ଶୁଣାଣିର ପ୍ରସାରଣ କରିବା ପାଇଁ ୟୁଟ୍ୟବ୍ ବ୍ୟବହାର କରନ୍ତି ସୁପ୍ରିମକୋର୍ଟ। ତତ୍କାଳୀନ ସିଜେଆଇ ୟୁୟୁ ଲଲିତଙ୍କ ଅଧ୍ୟକ୍ଷତାରେ ପୂର୍ଣ୍ଣ ନ୍ୟାୟାଳୟର ବୈଠକରେ ସର୍ବସମ୍ମତି କ୍ରମେ ଏକ ନିଷ୍ପତ୍ତି ନିଆଯାଇଥିଲା। ସେହି ଅନୁସାରେ, ସର୍ବୋଚ୍ଚ ନ୍ୟାୟାଳୟ ୨୦୧୮ରେ ମାମଲାର ଏକ ଗୁରୁତ୍ୱପୂର୍ଣ୍ଣ ବିଚାର ପରେ ସମସ୍ତ ସାମ୍ବିଧାନିକ ଖଣ୍ଡପୀଠଙ୍କ ଶୁଣାଣି ପ୍ରକ୍ରିୟାକୁ ଲାଇଭ୍ ଷ୍ଟ୍ରିମ୍ କରିବାକୁ ନିଷ୍ପତ୍ତି ନେଇଥିଲେ।