ଓଏଲ୍ ବ୍ୟୁରୋ: ବେଙ୍ଗାଲୁରୁ ଘଟିଥିବା ଜଘନ୍ୟ ହତ୍ୟାକାଣ୍ଡ ସାରା ଦେଶକୁ ଥରାଇ ଦେଇଛି। ଦିନ ଗଡ଼ିବା ସହିତ ଏହି ଜଘନ୍ୟ ହତ୍ୟାକାଣ୍ଡକୁ ନେଇ ଆସୁଛି ନୂଆ ନୂଆ ଟ୍ବିଷ୍ଟ। ଯେଉଁ ଘରେ ରହୁଥିଲେ ମୃତକ ମହାଲକ୍ଷ୍ମୀ ସେହି ଘରୁ ହିଁ ତାଙ୍କ ମୃତଦେହ ଠାବ ହୋଇଛି। ମହାଲକ୍ଷ୍ମୀଙ୍କ ଶରୀରକୁ ଖଣ୍ଡ ଖଣ୍ଡ କରି ଫ୍ରିଜ ରଖିଥିଲା ଜହ୍ଲାଦ। ପୁଲିସ କହିଛି ଯେ ମୃତକ ମହାଲକ୍ଷ୍ମୀଙ୍କ ଶରୀରକୁ ୩୦ ଖଣ୍ଡ ନୁହେଁ ୫୦ ଖଣ୍ଡ କରିଥିଲା ଦୁର୍ବୃତ୍ତ।
ଅନ୍ୟପଟେ; ଏହି ହତ୍ୟାକାଣ୍ଡ ବେଙ୍ଗାଲୁରୁ ନିଆଁ ଲଗେଇ ଦେଇଛି। ବେଙ୍ଗାଲୁରୁର ସ୍ଥାନୀୟ ଓ ବାହାରୁ ଆସୁଥିବା ଲୋକଙ୍କ ମଧ୍ୟରେ ତର୍କ ବିତର୍କ ଆରମ୍ଭ ହୋଇ ଯାଇଛି। କାରଣ ପୁଲିସ କହିଛି ଯେ ଏହି ହତ୍ୟାକାଣ୍ଡ ପଛରେ କର୍ଣ୍ଣାଟକ ବାସିନ୍ଦା ନଥିବା ଦୁର୍ବୃତ୍ତଙ୍କ ହାତ ରହିଛି। ଏସବୁ ମଧ୍ୟରେ ବେଙ୍ଗାଲୁରୁ ପୁଲିସ ଅଶରଫ ନାମକ ଜଣେ ବ୍ୟକ୍ତିଙ୍କୁ ଗିରଫ କରି ପଚରାଉଚରା ମଧ୍ୟ କରୁଛି। ଯାହାକୁ ମହାଲକ୍ଷ୍ମୀଙ୍କ ସ୍ବାମୀ ହତ୍ୟକାରୀ ବୋଲି ଦର୍ଶାଇଥିଲେ।
ମହାଲକ୍ଷ୍ମୀଙ୍କ ସ୍ୱାମୀ ହେମନ୍ତ ଦାସ କହିଛନ୍ତି ଯେ ଘରୋଇ ବିବାଦ ହେତୁ ମହାଲକ୍ଷ୍ମୀ ଗତ ୯ମାସ ଧରି ଆଶରଫ ନାମ ଜଣେ ବ୍ୟକ୍ତିଙ୍କ ସହ ରହୁଥିଲେ। ଆଶରଫ ନାଇ ଏକ ଦୋକାନରେ କାମ କରନ୍ତି। ଏହାକୁ ନେଇ ସେ କହିଛନ୍ତି ଏ ବିଷୟରେ ମୋର ତାଙ୍କ ଉପରେ ସନ୍ଦେହ ଅଛି। ମୁଁ ମଧ୍ୟ ତାଙ୍କ ବିରୋଧରେ ପୋଲିସ ଷ୍ଟେସନରେ ଅଭିଯୋଗ ଆଣିଥିଲି। ଅଭିଯୋଗ ପରେ ସେ ବେଙ୍ଗାଲୁରୁ ଆସିବାକୁ ଚାହୁଁନଥିଲେ। ସେମାନେ କେଉଁଆଡେ ଗଲେ ତାହା ଜଣା ପଡି ନଥିଲା। ଦାସ ନେପାଳର ବାସିନ୍ଦା ଏବଂ ୬ ବର୍ଷ ପୂର୍ବେ ବିବାହ କରିଥିଲେ। ତାଙ୍କର ଏକ ଝିଅ ମଧ୍ୟ ଅଛି। ଘରୋଇ ବିବାଦ ଯୋଗୁଁ ଦୁହେଁ ଅଲଗା ରହିବା ଆରମ୍ଭ କଲେ।
ଦାସ କହିଛନ୍ତି, ସେମାନଙ୍କ ସମ୍ପର୍କ ବିଷୟରେ ଜାଣିବା ପରେ ମୁଁ ଅଭିଯୋଗ ଆଣିଥିଲି। ଏହା କେବଳ ଏକ ସନ୍ଦେହ ନୁହେଁ, କିନ୍ତୁ ମୁଁ ସବୁକିଛି ଭଲ ଭାବରେ ଜାଣିଥିଲି। ଏପ୍ରିଲ୍ କିମ୍ବା ମେ ୨୦୨୩ରେ, ମୁଁ ସେମାନଙ୍କ ସମ୍ପର୍କ ବିଷୟରେ ଜାଣିଲି। ମହାଲକ୍ଷ୍ମୀ ଆଶରଫଙ୍କ ବିଷୟରେ କିଛି କହି ନ ଥିଲେ। ମୁଁ ମଧ୍ୟ ପରେ ତାଙ୍କ ସହିତ ନିରନ୍ତର ସମ୍ପର୍କରେ ରହିନଥିଲି।
ଦାସ ଆହୁରି କହିଛନ୍ତି ଯେ ସେ ଏକ ମୋବାଇଲ୍ ଫୋନ୍ ଦୋକାନରେ କାମ କରନ୍ତି ଏବଂ ପ୍ରାୟ ଏକ ମାସ ପୂର୍ବରୁ ସେ ଦୋକାନରେ ମହାଲକ୍ଷ୍ମୀଙ୍କୁ ଭେଟିଥିଲେ। ସେପ୍ଟେମ୍ବର ୨୨ ରେ, କର୍ଣ୍ଣାଟକ ପୁଲିସ ମହଲକ୍ଷ୍ମୀଙ୍କ ମୃତଦେହକୁ ଏକ ଫ୍ଲାଟରେ ଥିବା ଏକ ଫ୍ରିଜରେ ପାଇଥିଲା। କର୍ଣ୍ଣାଟକ ଗୃହମନ୍ତ୍ରୀ କହିଛନ୍ତି ଯେ ମୁଖ୍ୟ ଅଭିଯୁକ୍ତଙ୍କୁ ଚିହ୍ନଟ କରାଯାଇଛି ଏବଂ ଶୀଘ୍ର ଗିରଫ କରାଯିବ। ଅଭିଯୁକ୍ତଙ୍କ ବିଷୟରେ ଅନେକ ତଥ୍ୟ ସଂଗ୍ରହ କରାଯାଇଛି କିନ୍ତୁ ବର୍ତ୍ତମାନ ସୁଦ୍ଧା ପ୍ରତ୍ୟେକ ସୂଚନା ଦିଆଯାଇପାରିବ ନାହିଁ।