ଓଏଲ୍ ବ୍ୟୁରୋ: ଆଜି ଓଡ଼ିଶା ଗସ୍ତରେ ଆସିଛନ୍ତି କେନ୍ଦ୍ର ଜଳ ଶକ୍ତି ମନ୍ତ୍ରୀ ସି.ଆର୍.ପାଟିଲ୍। ଦିନିକିଆ ଗସ୍ତରେ ଆସି ଚନ୍ଦ୍ରକାନ୍ତ ରଘୁନାଥ ପାଟିଲ ମୁଖ୍ୟମନ୍ତ୍ରୀଙ୍କୁ ଭେଟିଛନ୍ତି। ଅତିଥି ଭବନ ମୁଖ୍ୟମନ୍ତ୍ରୀଙ୍କୁ ଭେଟି ସେ ପୁରୀ ଗସ୍ତ କରିଥିଲେ। ଅତିଥି ଭବନରୁ ପୁରୀ ଜିଲ୍ଲା ସତ୍ୟବାଦୀ ସୁଆଣ୍ଡୋରେ କେନ୍ଦ୍ର ଜଳ ଶକ୍ତି ମନ୍ତ୍ରୀ ଚନ୍ଦ୍ରକାନ୍ତ ରଘୁନାଥ ପାଟିଲ ପହଂଚିଛନ୍ତି। ସତ୍ୟବାଦୀର ପହଂଚିବା ପରେ ପ୍ରଥମେ ଗୋପବନ୍ଧୁଙ୍କ ପ୍ରତିମୂର୍ତ୍ତିରେ ଶ୍ରଦ୍ଧା ସୁମନ ଅର୍ପଣ କରିଥିବା ବେଳେ ପାର୍କ ପରିସରରେ ବୃକ୍ଷ ରୋପଣ କରିଥିଲେ।
ଏହାପରେ ନିକଟସ୍ଥ ବିଦ୍ୟାଧର ପୂର ଗ୍ରାମ ପଞ୍ଚାୟତକୁ ଯାଇ ସ୍ଵଚ୍ଚ ଭାରତ ମିଶନର କାର୍ଯ୍ୟକାରିତାକୁ ବୁଲି ଦେଖିଥିଲେ। କେନ୍ଦ୍ର ସରକାର ଦେଇଥିବା ଅନୁଦାନ କେତେ କାର୍ଯ୍ୟକାରିତା ହୋଇଅଛି ତାହାକୁ ସେ ସମୀକ୍ଷା କରିଥିଲେ। ଏହା ପରେ ସ୍ଵଛତା ହିଁ ସେବାକୁ ନେଇ ଅନୁଷ୍ଠିତ ଏକ ଜନସଭାରେ କେନ୍ଦ୍ର ମନ୍ତ୍ରୀଙ୍କ ସହିତ ରାଜ୍ୟ ପଞ୍ଚାୟତରାଜ ମନ୍ତ୍ରୀ ରବି ନାୟକ ଏବଂ ସତ୍ୟବାଦୀ ବିଧାୟକ ଓମ ପ୍ରକାଶ ମିଶ୍ର ଯୋଗଦାନ କରିଥିଲେ।