ଓଏଲ୍ ବ୍ୟୁରୋ: ୨୪ ବର୍ଷର କ୍ଷମତାରେ ବିରାମ ଲାଗିଛି। ବିଜୁ ଜନତା ଦଳର ସରକାରକୁ ହରାଇ ପ୍ରଥମ ଥର ପାଇଁ ରାଜ୍ୟ ଶାସନ ଗାଦିରେ ବସିଛି ଭାରତୀୟ ଜନତା ପାର୍ଟି। ହେଲେ ଏଯାଏଁ ବିଜେଡି ପରାଜୟର କାରଣ ଖୋଜା ଶେଷ ହୋଇନାହିଁ। ଏସବୁ ଭିତରେ ଲେନିନ୍ ମହାନ୍ତି ଓ ଅମର ଶତପଥୀଙ୍କ ଭିତରେ ଲାଗି ରହିଥିବା ବୟାନବାଜିିକୁ ନେଇ ରାଜ୍ୟ ରାଜନୀତିରେ ହଟଚମଟ ସୃଷ୍ଟି ହୋଇଛି। ଲେନିନ୍ ମହାନ୍ତି ଓ ଅମର ଶତପଥୀଙ୍କ ଭିତରେ ଲାଗି ରହିଥିବା ବୟାନବାଜିିକୁ ନେଇ ଭିନ୍ନ ଭିନ୍ନ ପ୍ରତିକ୍ରିୟା ଶୁଣିବାକୁ ମିଳୁଥିବାବେଳେ ଆଜି କଂଗ୍ରେସ ନେତା ବଡ଼ ବୟାନ ଦେଇଛନ୍ତି।
କଂଗ୍ରେସ ନେତା ମହମ୍ମଦ ମୋକିମ କହିଛନ୍ତି, ବିଜେଡି ଦଳର ଅନେକ ନେତା ଆମ ସହିତ ସମ୍ପର୍କରେ ଅଛନ୍ତି। ବିଜେଡିରେ ହାରିଥିବା ସାଂସଦ ଓ ବିଧାୟକ ପ୍ରାର୍ଥୀ କଂଗ୍ରେସରେ ସାମିଲ ହେବେ। କଂଗ୍ରେସ ଦଳ ଆଗକୁ ସଂଗଠିତ ହୋଇ କାମ କରିବ। ନୂଆ ପିସିସି ସଭାପତି ଚୟନ ନେଇ ଖୁବ୍ଶୀଘ୍ର ହାଇକମାଣ୍ଡ ନିଷ୍ପତ୍ତି ନେବେ। ଏଥିପାଇଁ ୨ ଜଣ କେନ୍ଦ୍ରୀୟ ନେତୃତ୍ଵଙ୍କୁ ଦାୟିତ୍ଵ ଦିଆଯାଇଛି। ତୃଣମୂଳ ସ୍ତରରେ କାମ ସହ ଦଳକୁ ସଂଗଠିତ କରୁଥିବା ନେତାଙ୍କୁ ଦାୟିତ୍ଵ ଦିଆଯିବ ଆଶା ରହିଛି। ଦୀପାବଳି ଭିତରେ ପିସିସି କିଏ ହେବେ ସ୍ପଷ୍ଟ ହୋଇଯିବ ବୋଲି କଂଗ୍ରେସ ନେତା ମହମ୍ମଦ ମୋକିମ କହିଛନ୍ତି।