Odisha Link
Bridging the Missing Links in Odisha

କୋହଲିଙ୍କ ‘ବିରାଟ’ କିର୍ତ୍ତୀମାନ

ଓଏଲ୍‌ ବ୍ୟୁରୋ: ବେଙ୍ଗାଲୁରୁ ଟେଷ୍ଟରେ ନୂଆ କିର୍ତ୍ତୀମାନ ହାସଲ କରିଛନ୍ତି ବିଶ୍ବ କ୍ରିକେଟର ରନ୍‌ ମେସିନ୍‌ ବିରାଟ କୋହଲି। ବେଙ୍ଗାଲୁରୁରେ ଖେଳାଯାଉଥିବା ନ୍ୟୁଜିଲାଣ୍ଡ ବିପକ୍ଷ ଟେଷ୍ଟର ପ୍ରଥମ ଇନିଂସ୍‌ରେ ଖାତା ଖୋଲି ପାରି ନଥିବା ବିରାଟ ଦ୍ବିତୀୟ ଇନିଂସରେ ନୂଆ କିର୍ତ୍ତୀମାନ ହାସଲ କରିଛନ୍ତି। ବିରାଟ କୋହଲି ଟେଷ୍ଟ କ୍ରିକେଟରେ ୯,୦୦୦ ରନ୍ ପୂରଣ କରିଛନ୍ତି।

ନ୍ୟୁଜିଲାଣ୍ଡ ସିରିଜ ପୂର୍ବରୁ ୯ହଜାର କ୍ଲବରେ ପହଁଞ୍ଚିବା ପାଇଁ ବିରାଟଙ୍କୁ ଆଉ ୫୩ ରନ୍ ଆବଶ୍ୟକ ଥିଲା। ହେଲେ ପ୍ରଥମ ଇନିଂସରେ ସେ ଖାତା ନ ଖୋଲି ପାଭିଲିୟନକୁ ଫେରିଥିଲେ। କିନ୍ତୁ ଦ୍ୱିତୀୟ ଇନିଂସରେ ସେ ସତର୍କତାର ସହ ଆରମ୍ଭ କରି ୧୫ ତମ ବଲରେ ପ୍ରଥମ ରନ୍ ନେଇଥିଲେ। କୋହଲି ୭୦ ବଲରେ ନିଜର ଅର୍ଦ୍ଧଶତକ ପୂରଣ କରିଥିଲେ। ପରେ ୭୦ ରନ୍‌ ସ୍କୋରରେ ଆଉଟ ହୋଇ ପ୍ୟାଭିଲିଅନ୍‌ ଫେରିଥିଲେ।

ଟେଷ୍ଟରେ ୯୦୦୦ ରନ୍ ସ୍କୋର କରିଥିବା ବିରାଟ କୋହଲି ଚତୁର୍ଥ ଭାରତୀୟ ବ୍ୟାଟ୍ସମ୍ୟାନ୍ ହୋଇଛନ୍ତି। ସଚିନ, ଦ୍ରାବିଡ ଏବଂ ସୁନୀଲ ଗାଭାସ୍କର ଭାରତ ପାଇଁ ଏହି ସଫଳତା ହାସଲ କରିଛନ୍ତି। ଟେଷ୍ଟରେ ନଅ ହଜାର କିମ୍ବା ଅଧିକ ରନ୍ ସ୍କୋର କରିବାରେ ସେ ବିଶ୍ବର ୧୮ ତମ ବ୍ୟାଟ୍ସମ୍ୟାନ୍ ହୋଇଛନ୍ତି। ଏହାପୂର୍ବରୁ ବିରାଟ କୋହଲି ୨୦୨୩ ରେ ଦକ୍ଷିଣ ଆଫ୍ରିକା ବିପକ୍ଷରେ ଅର୍ଦ୍ଧଶତକ ହାସଲ କରିଥିଲେ।

Leave A Reply

Your email address will not be published.