ଓଏଲ୍ ବ୍ୟୁରୋ: ଭୁବନେଶ୍ବର ଡମଣା ଛକରେ ଦୁର୍ଘଟଣା। ବେପାରୁଆ ଗାଡ଼ି ଚାଳନା ଯୋଗୁ ଉଡ଼ିଗଲା ଟ୍ରାଫିକ ପୋଷ୍ଟ। ଦୁର୍ଘଟଣାରେ ୨ଜଣ ଗୁରୁତର ହୋଇଥିବା ସୂଚନା ରହିଛି। ଦୁର୍ଘଟଣାର ମାତ୍ରା ଏତେ ଅଧିକ ଥିଲା ଯେ ଟ୍ରାଫିକ ପୋଷ୍ଟଟି ସମ୍ପୂର୍ଣ୍ଣ ଭାଙ୍ଗିି ଯାଇଛି।
ମିଳିଥିବା ସୂଚନା ମୁତାବକ, ସୋମବାର ବିଳମ୍ବିତ ରାତିିରେ କେଳୁଚରଣ ପାର୍କ ପଟୁ କାରଟି ଦ୍ରୁତ ଗତିରେ ଆସୁଥିବା ବେଳେ ଡମଣା ଟ୍ରାଫିକ ପୋଷ୍ଟରେ ପିଟି ହୋଇଥିଲା। କାର୍ଟି ଭାରସାମ୍ୟ ହରାଇ ସିଧା ଟ୍ରାଫିକ ପୋଷ୍ଟକୁ ଧକ୍କା କରିବା ସହ ଅପରପାର୍ଶ୍ୱରେ ଥିବା ଡିଭାଇଡର ଉପରେ ଚଢ଼ି ଯାଇଥିଲା। ଏହି ଦୁର୍ଘଟଣାରେ ଡ୍ରାଇଭରଙ୍କ ସମେତ ଦୁଇ ଜଣ ଗୁରୁତର ହୋଇଛନ୍ତି।
ଦୁର୍ଘଟଣା ଖବର ପାଇ ଘଟଣାସ୍ଥଳରେ ଚନ୍ଦ୍ରଶେଖରପୁର ଥାନା ପୁଲିସ ପହଞ୍ଚି ଗୁରୁତରଙ୍କୁ ଚିକିତ୍ସା ପାଇଁ ହସ୍ପିଟାଲକୁ ପଠାଇଥିଲା। ପରେ ଦୁର୍ଘଟଣା ହୋଇଥିବା ଗାଡ଼ିକୁ ପୁଲିସ ଜବତ କରିଥିବା ସୂଚନା ରହିଛି।