ଓଏଲ୍ ବ୍ୟୁରୋ: ଆଜି ଲିଜେଣ୍ଡ କ୍ରିକେଟର୍ ବିରାଟ କୋହଲିଙ୍କ ଜନ୍ମଦିନ। ବିଶ୍ବ କ୍ରିକେଟର ସଫଳ କ୍ରିକେଟରଙ୍କ ମଧ୍ୟରେ ଆଗ ଧାଡିରେ ବିରାଟ କୋହଲି। କିଏ ତାଙ୍କୁ କିଙ୍ଗ କୋହଲି କୁହେ ତ ଆଉ କିଏ ରନ୍ ମେସିନ, ଭାରତୀୟ କ୍ରିକେଟ ଜଗତର ବାଦଶାହ, ଆଗାମୀ ପିଢି ପାଇଁ ପ୍ରେରଣା, ବିପଦ ସମୟର ରକ୍ଷକ ବୋଲି କହିଲେ ଭୁଲ ମଧ୍ୟ ହେବନି। ଟି-୨୦, ଦିନିକିଆ, ଟେଷ୍ଟ କ୍ରିକେଟର ସବୁ ଫର୍ମାଟରେ ସେ ମାହିର।
ଭାରତୀୟ କ୍ରିକେଟ ଇତିହାସରେ ସବୁସମୟର ନିର୍ଭରଯୋଗ୍ୟ କ୍ରିକେଟର। ଦକ୍ଷ ଫିଲ୍ଡର ସହ ଶ୍ରେଷ୍ଠ ବ୍ୟାଟ୍ସମ୍ୟାନ। ଅନେକ ମହାନ କ୍ରିକେଟରଙ୍କ କିର୍ତ୍ତୀମାନକୁ ଅତିକ୍ରମ କରି ନିଜ ନାମରେ ଲେଖିଛନ୍ତି ବିରାଟ। ଆଜି ଏହି ମହାନ କ୍ରିକେଟରଙ୍କ ଜନ୍ମଦିନ। ୩୬ ବର୍ଷ ବୟସରେ ପାଦ ଥାପିଛନ୍ତି କୋହଲି। ଏଥି ପାଇଁ ଚାରୁଆଡୁ ଶୁଭେଚ୍ଛାର ସୁଅ ଛୁଟୁଛି। ଏହି ଅବସରରେ ପୁରୀ ବେଳାଭୂମିରେ ବିଶାଳ ବାଲୁକା କଳା ମାଧ୍ୟମରେ ଶୁଭେଚ୍ଛା ଜଣାଇଛନ୍ତି ଅନ୍ତର୍ଜାତୀୟ ବାଲୁକା ଶିଳ୍ପୀ ପଦ୍ମଶ୍ରୀ ସୁଦର୍ଶନ ପଟ୍ଟନାୟକ।