ଓଏଲ୍ ବ୍ୟୁରୋ:ଜେଇଇ ଆଡଭାନ୍ସ ଦେଇଥିବା ଛାତ୍ରଛାତ୍ରୀମାନେ ଏବେଠାରୁ ୩ ଥର ଜେଇଇ ଆଡଭାନ୍ସ ପରୀକ୍ଷା ଦେଇପାରିବେ । ନୂଆ ଗାଇଡଲାଇନ ମୁତାବକ, ଇଚ୍ଛୁକ ପ୍ରାର୍ଥୀ ଲଗାତାର ୩ ବର୍ଷ ପାଇଁ ୩ ଥର ପରୀକ୍ଷା ଦେଇପାରିବେ। ଏହାପୂର୍ବରୁ ଜେଇ ଆଡଭାନ୍ସ ପରୀକ୍ଷା ୨ ବର୍ଷରେ ଦୁଇଥର ଦେଇପାରୁଥିଲେ ଛାତ୍ରଛାତ୍ରୀ ।
ନୂଆ ନିୟମ ଅନୁସାରେ, ଯେଉଁ ପ୍ରାର୍ଥୀମାନେ JoSAA କାଉନସେଲିଂ ମାଧ୍ୟମରେ ଆଇଆଇଟିରେ ଆଡମିଶନ ପାଇଛନ୍ତି, ସେହି ସମସ୍ତ ଛାତ୍ରଛାତ୍ରୀ ଲାଭ ପାଇବେ ନାହିଁ। ଅର୍ଥାତ୍ ସେମାନେ ପରୀକ୍ଷାରେ ଉପସ୍ଥିତ ହୋଇପାରିବେ ନାହିଁ । ଯେଉଁଠାରେ ଏନଆଇଟିରେ ଆଡମିଶନ ନେଇଥିବା ଛାତ୍ରମାନେ ନୂତନ ନିୟମ ଅନୁଯାୟୀ ପରୀକ୍ଷାରେ ହାଜର ହୋଇପାରିବେ। ଜେଇ ଆଡଭାନ୍ସ ପରୀକ୍ଷା ଦେବାକୁ ଇଚ୍ଛା ରଖିଥିବା ଛାତ୍ରଛାତ୍ରୀଙ୍କ ଜନ୍ମ ୨୦୦୦, ଅକ୍ଟୋବର ୧ ତାରିଖ ପରେ ହେବା ଜରୁରୀ ।
ଅନୁସୂଚିତ ଜାତି/ଜନଜାତି/ପିଡବ୍ଲୁଡି ପ୍ରାର୍ଥୀଙ୍କୁ ବୟସ ସୀମାରେ ୫ ବର୍ଷ ଛାଡ ମିଳିବ । ଏମାନେ ୧୯୯୫ ଅକ୍ଟୋବର ୧ ତାରିଖ ପରେ ଜନ୍ମ ଗ୍ରହଣ କରିଥିବା ଛାତ୍ରଛାତ୍ରୀ ପରୀକ୍ଷା ଦେଇପାରିବେ । ସର୍ଟଲିଷ୍ଟ ହୋଇଥିବା ପ୍ରାର୍ଥୀଙ୍କ ବର୍ଗ ଅନୁଯାୟୀ ବିଭାଜନ ହେଉଛି: ଜେନେରାଲ-ଇଡବ୍ଲୁସି ୧୦ ପ୍ରତିଶତରେ, ଓବିସି-ଏନସିଏଲ୍ ୨୭%, ଏସସି ୧୫%, ଏସଟି ୭.୫% ଏବଂ ଅବଶିଷ୍ଟ ୪୦.୫% ରଖାଯାଇଛି। ଏହି ପ୍ରତ୍ୟେକ ବର୍ଗ ମଧ୍ୟରେ, ପିଡବ୍ଲୁଡି ପ୍ରାର୍ଥୀଙ୍କ ପାଇଁ ୫ ପ୍ରତିଶତ ଛାଡ ମିଳିଛି।
ପ୍ରତିବର୍ଷ ୨.୫୦ ଲକ୍ଷ ପ୍ରାର୍ଥୀ ଜେଇ ଆଡଭାନ୍ସ ପରୀକ୍ଷା ଦେଉଛନ୍ତି। ଶିକ୍ଷାବର୍ଷ ୨୦୨୧-୨୨ର ଫଳାଫଳ ୨୧ ସେପ୍ଟେମ୍ବର ୨୦୨୨ ପୂର୍ବରୁ ଘୋଷିତ ହୋଇଛି, କିନ୍ତୁ ଏକ ନିର୍ଦ୍ଦିଷ୍ଟ ପ୍ରାର୍ଥୀଙ୍କ ଫଳାଫଳକୁ କୌଣସି କାରଣରୁ ଅଟକାଇ ଦିଆଯାଇଛି, ତେବେ ସେ ଜେଇଇ ଆଡଭାନ୍ସ ୨୦୨୫ ରେ ପରୀକ୍ଷା ଦେଇପାରିବେ ନାହିଁ । ଜେଇ ଆଡଭାନ୍ସ ପରୀକ୍ଷା ମେ ମାସର ଶେଷ ସପ୍ତାହରେ କିମ୍ବା ଜୁନ୍ ପ୍ରଥମ ସପ୍ତାହରେ କରାଯାଇପାରିବ । ଜେଇଇ ଆଡଭାନ୍ସରେ ପରୀକ୍ଷା ଦେବାକୁ ହେଲେ ଜେଇଇ ମେନ୍ସ ପରୀକ୍ଷାରେ ଉତ୍ତୀର୍ଣ୍ଣ ହେବା ବାଧ୍ୟତାମୂଳକ । ଜାତୀୟ ପରୀକ୍ଷା ଏଜେନ୍ସି ଦ୍ୱାରା ପ୍ରତିବର୍ଷ ଜେଇଇ ମେନ୍ସ ଏବଂ ଆଡଭାନ୍ସଡ୍ ପରୀକ୍ଷା କରାଯାଏ ।