ଓଏଲ୍ ବ୍ୟୁରୋ: ଭାରତୀୟ ଜନତା ପାର୍ଟିର ବରିଷ୍ଠ ନେତା ଲାଲକୃଷ୍ଣ ଆଡଭାନୀ ଆଜି ୯୮ ବର୍ଷରେ ପଦାର୍ପଣ କରିଛନ୍ତି। ଜନ୍ମଦିନ ଅବସରରେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ତାଙ୍କୁ ଶୁଭେଛା ଜଣାଇଛନ୍ତି। ଚଳିତବର୍ଷ ପୂର୍ବତନ ଉପ ପ୍ରଧାନମନ୍ତ୍ରୀ ଲାଲକୃଷ୍ଣ ଆଡଭାନୀଙ୍କୁ ଭାରତ ରତ୍ନ ସମ୍ମାନରେ ସମ୍ମାନିତ କରାଯାଇଥିଲା।
ଟୁଇଟ୍ ମାଧ୍ୟମରେ ମୋଦି କହିଛନ୍ତି, ଚଳିତବର୍ଷ ଆହୁରି ସ୍ୱତନ୍ତ୍ର ଲାଲକୃଷ୍ଣ ଆଡଭାନୀ ଜନ୍ମଦିନ। କାରଣ ଆମ ଦେଶ ପାଇଁ ତାଙ୍କର ଉଲ୍ଲେଖନୀୟ ସେବା ପାଇଁ ତାଙ୍କୁ ଭାରତ ରତ୍ନ ପ୍ରଦାନ କରାଯାଇଥିଲା। ଲାଲକୃଷ୍ଣ ଆଡଭାନୀ ଭାରତର ବିକାଶକୁ ଆଗକୁ ବଢାଇବା ପାଇଁ ନିଜକୁ ଉତ୍ସର୍ଗ କରିଛନ୍ତି। ତାଙ୍କର ବୁଦ୍ଧି ଏବଂ ସମୃଦ୍ଧ ଅନ୍ତର୍ଦୃଷ୍ଟି ପାଇଁ ତାଙ୍କୁ ସର୍ବଦା ସମ୍ମାନିତ କରାଯାଏ। ଅନେକ ବର୍ଷ ଧରି ତାଙ୍କ ମାର୍ଗଦର୍ଶନ ପାଇ ମୁଁ ଭାଗ୍ୟବାନ। ମୁଁ ତାଙ୍କର ଦୀର୍ଘ ଏବଂ ସୁସ୍ଥ ଜୀବନ ପାଇଁ ପ୍ରାର୍ଥନା କରୁଛି।