ଓଏଲ୍ ବ୍ୟୁରୋ: ସମାଲୋଚନାର ଶିକାର ହେଉଥିବା ଓଡ଼ିଶା କ୍ରିକେଟ ଦଳ ଶେଷରେ ବିଜୟର ସ୍ବାଦ ଚାଖିଛି। ଚଳିତ ରଣଜୀ ଋତୁରେ ଓଡ଼ିଶା ଦଳ ପ୍ରଥମ ବିଜୟ ହାସଲ କରିଛି। ବାରବାଟୀରେ ଖେଳାଯାଇଥିବା ମୁକାବିଲାରେ ଉଭୟ ବ୍ୟାଟିଂ ଓ ବୋଲିଂରେ ଦମଦାର ପ୍ରଦର୍ଶନ କରି ମହାରାଷ୍ଟ୍ର ଦଳକୁ ପରାଜିତ କରିଛି ଓଡ଼ିଶା। ମହାରାଷ୍ଟ୍ରକୁ ୩ ଓ୍ବିକେଟରେ ହରାଇ ଘରୋଇ ମାଟିରେ ବିଜୟର ସ୍ବାଦ ଚାଖିଛି ଓଡ଼ିଶା।
ଚଳିତ ରଣଜୀ ଋୁତରେ ଏପର୍ଯ୍ୟନ୍ତ ଓଡ଼ିଶା ଦଳ ୫ଟି ମ୍ୟାଚ୍ ଖେଳିଥିବା ବେଳେ ଗୋଟିଏରେ ବିଜୟୀ ହୋଇଛି। ସେହିପରି ୨ଟିରେ ପରାଜିତ ହୋଇଥିବା ବେଳେ ଆଉ ଗୋଟିଏ ମ୍ୟାଚକୁ ଡ୍ର’ ରଖିବାରେ ସଫଳ ହୋଇଥିଲା ଓଡ଼ିଶା କ୍ରିକେଟ ଦଳ। ମହାରାଷ୍ଟ୍ର ବିପକ୍ଷ ପ୍ରଥମ ଇନିଂସରେ ଗୁରୁତ୍ୱପୂର୍ଣ୍ଣ ୩୮ ରନର ଲିଡ୍ ପାଇଥିବା ତୃତୀୟ ଦିନରେ ଏଥିରେ ଆଉ ୧୨୯ ରନ ଯୋଡ଼ି ମହାରାଷ୍ଟ୍ରକୁ ମାତ ଦେଇଛି। ଅଲରାଉଣ୍ଡ ପ୍ରଦର୍ଶନ ପାଇଁ ଅଧିନାୟକ ଗୋବିନ୍ଦ ପୋଦ୍ଦାର ମ୍ୟାନ ଅଫ ଦି ମ୍ୟାଚ୍ ପୁରସ୍କାର ଜିତିଛନ୍ତି। ସେ ଦୁଇଟି ଇନିଂସରେ ୬ଟି ୱିକେଟ ନେଇଥିବା ବେଳେ ଟାର୍ଗେଟକୁ ପିଛା କରିବା ବେଳେ ଏକାକୀ ୪୮ ରନର ମ୍ୟାଚ୍ ବିଜୟୀ ଇନିଂସ ଖେଳିଛନ୍ତି।
ମହାରାଷ୍ଟ୍ର ଟିମ୍ ଦ୍ୱିତୀୟ ଇଂନିସ୍ରେ ୧୬୬ ରନ୍ରେ ଅଲଆଉଟ୍ ହୋଇଯାଇଥିଲା। ଫଳରେ ଓଡ଼ିଶା ଆଗରେ ୧୨୯ ରନ୍ର ବିଜୟ ଲକ୍ଷ୍ୟ ରହିଥିଲା। ଓଡ଼ିଶା ଏହି ଟାର୍ଗେଟ୍କୁ ୭ ଓ୍ୱିକେଟ୍ରେ ହାସଲ କରିନେଇଥିଲା।