ଓଏଲ୍ ବ୍ୟୁରୋ: ପ୍ରଥମ ଥର ପାଇଁ ବିଡିଏ ‘ପ୍ଲାନ୍ଡ୍ ସିଟି’ ପ୍ରସ୍ତୁତ କରିଛି। ଏହାର ପ୍ରଥମ ପର୍ଯ୍ୟାୟ କାମ ଆରମ୍ଭ ହୋଇଛି। ମଳିପଡ଼ା, ଗୋଠପାଟଣା ଓ ଦାସପୁର ରାଜସ୍ବ ଗ୍ରାମରେ ଚିହ୍ନଟ ହୋଇଥିବା ୮୩୬ ଏକର ଜାଗାରେ କାମ ଆରମ୍ଭ କରିଛି। ଭୁବନେଶ୍ବର ଉପକଣ୍ଠରେ ନୂଆ ସିଟି ନିର୍ମାଣ ହେବ। ଗୋଠପାଟନା, ଦାସପୂର୍ ଓ ମଳିପଡା ମୌଜାରେ ନୂଆ ସିଟି କରିବାକୁ ବିଡିଏ ପ୍ରସ୍ତାବ ଦେଇଛି।
୮୩୬ ଏକର ଜମିରେ ନୂଆ ସିଟି ନିର୍ମାଣ ହେବ। ନୂଆ ସିଟି ନିର୍ମାଣ ନେଇ ନଗର ଉନ୍ନୟନ ମନ୍ତ୍ରୀ ସୂଚନା ଦେଇଛନ୍ତି। ନିକଟ ଅତୀତରେ ଭାରତ ସରକାରଙ୍କ ଗୃହ ନିର୍ମାଣ ଓ ନଗର ବ୍ୟାପାର ମନ୍ତ୍ରାଳୟର ଏକ ପ୍ରତିନିଧିମଣ୍ଡଳୀ ଘଟଣାସ୍ଥଳ ପରିଦର୍ଶନ କରିବା ସହ ବିଡିଏ ସହ ଆଲୋଚନା କରି ଫେରିବା ପରେ ତତ୍ପରତା ପ୍ରକାଶ ପାଇଛି।