ଓଏଲ୍ ବ୍ୟୁରୋ: ଆଜି କେନ୍ଦ୍ରମନ୍ତ୍ରୀ ଧର୍ମେନ୍ଦ୍ର ପ୍ରଧାନଙ୍କ ଦିନିକିଆ ଅନୁଗୁଳ ଗସ୍ତ କାର୍ଯ୍ୟକ୍ରମ ରହିଛି। କେନ୍ଦ୍ରମନ୍ତ୍ରୀ ଶ୍ରୀ ପ୍ରଧାନ ଗତକାଲି ରାତିରେ ନାଲ୍କୋନଗରଠାରେ ପହଞ୍ଚି ରାତ୍ରିରହଣି କରିବା ପରେ ଆଜି ଜିଲ୍ଲା ସଦର ମହକୁମାରେ ବିଭିନ୍ନ କାର୍ଯ୍ୟକ୍ରମରେ ଯୋଗ ଦେବେ। ସକାଳେ ଲକ୍ଷ୍ମୀବଜାର ସ୍ଥିତ ରାଣୀସତୀ ଦାଦୀ ମନ୍ଦିରରେ ଦର୍ଶନ କରିଛନ୍ତି ମନ୍ତ୍ରୀ। ପରେ ସର୍କିଟ୍ ହାଉସଠାରେ ଅନୁଷ୍ଠିତ ହେବାକୁ ଥିବା ‘ଦିଶା’ ବୈଠକରେ ଯୋଗ ଦେଇଛନ୍ତି।
ଅପରାହ୍ଣରେ ସର୍କିଟ୍ ହାଉସ୍ଠାରେ ଅନୁଷ୍ଠିତ ହେବାକୁ ଥିବା ଆର୍ପିଡିଏସି ବୈଠକରେ କେନ୍ଦ୍ରମନ୍ତ୍ରୀ ଯୋଗ ଦେବାର କାର୍ଯ୍ୟକ୍ରମ ରହିଛି। ଶ୍ରୀ ପ୍ରଧାନଙ୍କ ଗସ୍ତକୁ ନେଇ ବିଜେପି ଶିବିର ବେଶ୍ ଉତ୍ସାହିତ ଥିବା ବେଳେ ଦଳ ପକ୍ଷରୁ ବ୍ୟାପକ ପ୍ରସ୍ତୁତି ଚାଲିଥିବା ଜିଲ୍ଲା ସଭାପତି ଦିଲେଶ୍ୱର ପ୍ରଧାନ ପ୍ରକାଶ କରିଛନ୍ତି।