ଓଏଲ୍ ବ୍ୟୁରୋ: ବିଜୁ ଜନତା ଦଳକୁ ହରାଇ ପ୍ରଥମ ଥର ପାଇଁ ରାଜ୍ୟ ଶାସନ ଗାଦିରେ ବସିଛି ଭାରତୀୟ ଜନତା ପାର୍ଟି। ଏସବୁ ମଧ୍ୟରେ ମୋହନ ସରକାରଙ୍କୁ ପୁରିଲାଣି ୫ ମାସ। ଅନ୍ୟପଟେ ବିରୋଧୀ ଆସନରେ ପ୍ରଥମଥର ପାଇଁ ବସିଥିବା ବିଜେଡି ପରାଜୟର କାରଣ ଖୋଜି ପାଉନାହିଁ। ଏସବୁ ଭିତରେ ବିଜେଡି ପରାଜୟ ନେଇ ବଦ୍ରି ପାତ୍ର ବଡ଼ ବୟାନ ଦେଇଛନ୍ତି।
ବଦ୍ରି ପାତ୍ର କହିଛନ୍ତି, ଅନ୍ୟ ଦଳରୁ ଆଣି ଆମ ଦଳ ପ୍ରାର୍ଥୀ କରିବା ଭୁଲ୍। ଅନ୍ୟ ଦଳରୁ ଧାର ଆଣି ଆମେ ଭୁଲ କରିଛୁ। ରାତି ଅଧରେ ଆଣି ସକାଳୁ ପ୍ରାର୍ଥୀ କଲେ ହାରୁଛନ୍ତି। ବିଜେପି ଯାହା କରୁଛି ତାହା ବି ବୁମେରାଂ ହେବ। ନବୀନ ବିଧାନସଭା ଆସିବା ଦ୍ବାରା ଭଲ ମେସେଜ ଯାଉଛି। ନବୀନ ଜିଲ୍ଲା ଗସ୍ତ କଲେ କର୍ମୀଙ୍କ ମନୋବଳ ବଢ଼ିବ ବୋଲି ବିଧାୟକ କହିଛନ୍ତି।