ଓଏଲ୍ ବ୍ୟୁରୋ: ବକ୍ସ ଅଫିସ୍ରେ ନିଆଁ ଲଗାଉଛି ଅଲ୍ଲୁ ଅର୍ଜୁନଙ୍କ ବହୁ ପ୍ରତିକ୍ଷୀତ ଚଳଚ୍ଚିତ୍ର ‘ପୁଷ୍ପା-୨’। ରିଲିଜ ପୂର୍ବରୁ ଅନେକ ରେକର୍ଡ ଭାଙ୍ଗିଥିବା ପୁଷ୍ପା-୨ ରିଲିଜର ପ୍ରଥମ ଦିନରେ ହିଁ ଆହୁରି ରେକର୍ଡ ଭାଙ୍ଗିଛି। ଭାରତୀୟ ଚଳଚ୍ଚିତ୍ର ଜଗତରେ ସବୁଠୁ ବଡ଼ ଓପନିଂ ରେକର୍ଡ କରିଛି ପୁଷ୍ପା-୨। ଆରଆରଆର ଫିଲ୍ମକୁ ପଛରେ ପକାଇ ବଡ଼ ଓପନିଂ କରିଛି ପୁଷ୍ପା-୨।
ପ୍ରଥମ ଦିନରେ ଏହି ଫିଲ୍ମ ଏସଏସ ରାଜାମୌଲୀଙ୍କ ଓସ୍କାର ବିଜୟୀ ଚଳଚ୍ଚିତ୍ର ‘ଆରଆରଆର’କୁ ପଛରେ ପକାଇ ବକ୍ସ ଅଫିସରେ ଆୟ କ୍ଷେତ୍ରରେ ଏକ ନୂଆ ରେକର୍ଡ଼ ସୃଷ୍ଟି କରିଛି। ପ୍ରାୟ ୫୦୦ କୋଟି ଟଙ୍କାର ବଜେଟ୍ରେ ନିର୍ମିତ ‘ପୁଷ୍ପା ୨’ ପ୍ରଥମ ଦିନରେ ମୋଟ୍ ୧୭୫.୧ କୋଟି ଟଙ୍କା ଆୟ କରିଛି। ତେଲୁଗୁ, ହିନ୍ଦୀ, ତାମିଲ, କନ୍ନଡ଼, ମାଲାୟାଲମ ଭାଷାରେ ୧୨ ହଜାର ପରଦାରେ ମୁକ୍ତିଲାଭ କରିଛି ଏହି ଚଳଚ୍ଚିତ୍ର।
ପ୍ରାୟ ୫୦୦ କୋଟି ଟଙ୍କାର ବଜେଟ୍ରେ ନିର୍ମିତ ‘ପୁଷ୍ପା ୨’ ପ୍ରଥମ ଦିନରେ ମୋଟ୍ ୧୭୫.୧ କୋଟି ଟଙ୍କା ଆୟ କରିଛି। ତେଲୁଗୁ, ହିନ୍ଦୀ, ତାମିଲ, କନ୍ନଡ଼, ମାଲାୟାଲମ ଭାଷାରେ ୧୨ ହଜାର ପରଦାରେ ମୁକ୍ତିଲାଭ କରିଛି ଏହି ଚଳଚ୍ଚିତ୍ର। ପ୍ରଥମ ଦିନରେ ତେଲୁଗୁରେ ୯୫.୧ କୋଟି, ହିନ୍ଦୀରେ ୬୭ କୋଟି, ତାମିଲରେ ୭ କୋଟି, କନ୍ନଡ଼ରେ ୧ କୋଟି ଏବଂ ମାଲାୟାଲମ ଭାଷାରେ ୫ କୋଟି ଟଙ୍କା ଆୟ କରିଛି ‘ପୁଷ୍ପା ୨’। ‘ଆରଆରଆର’କୁ ବିପୁଳ ବ୍ୟବଧାନରେ ପଛରେ ପକାଇଛି ‘ପୁଷ୍ପା ୨: ଦି ରୁଲ୍’। ରାମ ଚରଣ, ଜୁନିୟର ଏନଟିଆରଙ୍କ ଫିଲ୍ମ ଭାରତରେ ପ୍ରଥମ ଦିନରେ ୧୩୩ କୋଟି ଟଙ୍କା ଆୟ କରିଥିଲା।
ଅଲ୍ଲୁ ଅର୍ଜୁନଙ୍କ ଚଳଚ୍ଚିତ୍ର ‘ପୁଷ୍ପା ୨: ଦି ରୁଲ୍’ ଡିସେମ୍ବର ୫ରେ ପରଦାକୁ ଆସିଛି। ସୁକୁମାର ନିର୍ଦେଶିତ ଏହି ଚଳଚ୍ଚିତ୍ରରେ ରଶ୍ମିକା ମନ୍ଦାନା ଓ ଫହାଦ ଫାସିଲ ମଧ୍ୟ ଗୁରୁତ୍ଵପୂର୍ଣ୍ଣ ଭୂମିକାରେ ଅଭିନୟ କରିଛନ୍ତି।