ଓଏଲ୍ ବ୍ୟୁରୋ: ବିଜୁ ଶ୍ରମିକ ସାମ୍ମୁଖ୍ୟର ପରିବର୍ଦ୍ଧିତ କାର୍ଯ୍ୟକାରିଣୀ ବୈଠକରେ ବିଜେଡି ସୁପ୍ରିମୋ ନବୀନ ପଟ୍ଟନାୟକ ସାମିଲ ହୋଇଛନ୍ତି। ବିଜୁ ଶ୍ରମିକ ସାମ୍ମୁଖ୍ୟର କାର୍ଯ୍ୟକାରିଣୀ ବୈଠକରେ ନବୀନ ପଟ୍ଟନାୟକ ସମ୍ବୋଧନ କରି କହିଛନ୍ତି, ଏହି କାର୍ଯ୍ୟକ୍ରମରେ ଯୋଗ ଦେଇ ବହୁତ ଖୁସି। ଶ୍ରମିକ ହେଉଛନ୍ତି ଗୋଟିଏ ରାଷ୍ଟ୍ରର ବଡ ସମ୍ପତ୍ତି। ଦେଶ ସମୃଦ୍ଧିରେ ଶ୍ରମିକ ଭାଇଭଉଣୀଙ୍କ ବିଶେଷ ଅବଦାନ। ଦେଶ ଗଠନରେ ଶ୍ରମିକଙ୍କ ଅବଦାନକୁ ସମ୍ମାନ।
ବିଜୁବାବୁ ଶ୍ରମିକଙ୍କ ମଜୁରୀ ବଢାଇ ଇତିହାସ ସୃଷ୍ଟି କରିଥିଲେ। ବିଜେଡି ସରକାରରେ ଶ୍ରମିକଙ୍କ କଲ୍ୟାଣ ପାଇଁ ଅନେକ କାମ ହୋଇଛି। ଆପଣଙ୍କ ହକ ପାଇଁ ଲଢେଇ କରୁଥିଲୁ ଓ ଆଗକୁ କରିଚାଲିବୁ। ଆପଣମାନେ ଖୁସିରେ ରହିଲେ ସବୁଠୁ ବେଶୀ ଖୁସି ହେବି। ବିଜେଡି ସବୁବେଳେ ଶ୍ରମିକଙ୍କ ସାଥିରେ ଅଛି ବୋଲି ବିଜେଡି ସୁପ୍ରିମୋ କହିଛନ୍ତି।