ଓଏଲ୍ ବ୍ୟୁରୋ: ବ୍ରାଜିଲରେ ଘଟିଛି ବଡ଼ ଅଘଟଣ। ଏକ ବିମାନ ଦୁର୍ଘଟଣାରେ ୧୦ ଜଣଙ୍କ ମୃତ୍ୟୁ ଘଟିଛି। ମୃତକମାନେ ଏକ ପରିବାରର ବୋଲି ସୂଚନା ମିଳିଛି। ଏହି ଦୁର୍ଘଟଣାରେ ୧୭ରୁ ଅଧିକ ଜଣ ଆହତ ହୋଇଛନ୍ତି। ସେମାନଙ୍କ ମଧ୍ୟରେ ବିଜନେସମ୍ୟାନ୍, ତାଙ୍କ ପତ୍ନୀ, ୩ ଝିଅଙ୍କ ସମେତ ଆଉ କିଛି ପରିବାର ସଦସ୍ୟ ଥିବା ଜଣାଯାଇଛି। ଏଥିସହ ବିମାନଟି ଜନବସତି ଅଞ୍ଚଳରେ ଖସି ପଡ଼ିବାରୁ ପ୍ରାୟ ୧୭ ଜଣ ଆହତ ହୋଇଛନ୍ତି। ସେମାନଙ୍କୁ ଡାକ୍ତରଖାନାରେ ଭର୍ତ୍ତି କରାଯାଇଥିବା ବେଳେ କିଛି ଜଣଙ୍କ ଅବସ୍ଥା ସଙ୍କଟାପନ୍ନ ଥିବା ଜଣାଯାଇଛି।
ବ୍ରାଜିଲ ଗ୍ରାମାଡୋରେ ବିମାନ ଦୁର୍ଘଟଣାଗ୍ରସ୍ତ ହୋଇଛି। ଘନ କୁହୁଡି ପାଇଁ ବିମାନ ଦୁର୍ଘଟଣାଗ୍ରସ୍ତ ହୋଇଥିବା ଅନୁମାନ କରାଯାଉଛି। ବ୍ରାଜିଲର ଜଣେ ୬୧ ବର୍ଷୀୟ ବିଜନେସମ୍ୟାନ୍ ନିଜ ପରିବାର ସହ ବୁଲିବାକୁ ଏକ ଛୋଟ ବିମାନରେ ଯାଉଥିଲେ। ସେ ନିଜେ ହିଁ ବିମାନଟିକୁ ଉଡ଼ାଉଥିଲେ। ବିମାନଟି ରିଓ ଗ୍ରାଣ୍ଡେ ଡୋ ସୁଲ୍ ନାମକ ପର୍ଯ୍ୟଟନ ସ୍ଥଳୀ ଅଭିମୁଖେ ଯାଉଥିଲା। ମାତ୍ର ବିମାନଟି ଦକ୍ଷିଣ ବ୍ରାଜିଲ୍ ଗ୍ରାମାଡ଼ୋରେ ଉଡ଼ୁଥିବା ବେଳେ ପ୍ରଥମେ ଏକ ଘରର ଚିମିନିରେ ଧକ୍କା ହୋଇଥିଲା। ଏହାପରେ ଭାରସାମ୍ୟ ହରାଇ ତାହା ଅନ୍ୟ ଏକ ବିଲ୍ଡିଂର ଦ୍ୱିତୀୟ ମହଲାରେ ପିଟି ହୋଇ ଏକ ରେସ୍ତୁରାଁ ଉପରେ ପଡ଼ି ଯାଇଥିଲା।