ଓଏଲ୍ ବ୍ୟୁରୋ: ବର୍ଷ ଶେଷରେ ନନ୍ଦନକାନନ ପ୍ରାଣୀ ଉଦ୍ୟାନରୁ ଆସିଲା ଦୁଃଖଦ ଖବର। କମିଲା ସିମ୍ପାଞ୍ଜି ସଂଖ୍ୟା। ନନ୍ଦନକାନନ ପ୍ରାଣୀ ଉଦ୍ୟାନରେ ବୟସାଧିକ କାରଣରୁ ଜୁଲୁ ନାମକ ସିମ୍ପାଞ୍ଜିର ୩୬ ବର୍ଷ ବୟସରେ ମୃତ୍ୟୁ ହୋଇଛି। ୧୯୮୮ ମସିହାରେ ସିଙ୍ଗାପୁରରେ ଜନ୍ମ ହୋଇଥିବା ସିମ୍ପାଞ୍ଜି ଜୁଲୁ ୧୯୯୪ରେ ନନ୍ଦନକାନନ ଆସିଥିଲା। ଗତକାଲି ନନ୍ଦନକାନନରେ ଗୋଟିଏ ଶାବକ ଜନ୍ମ ଖୁସି ଆଣି ଦେଇଥିଲା। ହେଲେ ଆଜି ସିମ୍ପାଞ୍ଜି ଜୁଲୁ ମୃତ୍ୟୁ ହୋଇଛି। ଜୁଲୁର ମୃତ୍ୟୁ ହେବାରୁ ସିମ୍ପାଞ୍ଜି ସଂଖ୍ୟା ୭କୁ ହ୍ରାସ ପାଇଥିବା ସୂଚନା ରହିଛି।
