ଓଏଲ୍ ବ୍ୟୁରୋ: ଜାନୁଆରୀ ୮ରୁ ୧୦ ତାରିଖ ତିନି ଦିନ ଧରି ଅନୁଷ୍ଠିତ ହେବ ଅଷ୍ଟାଦଶ ପ୍ରବାସୀ ଭାରତୀୟ ଦିବସ। ଏହାକୁ ଅତ୍ୟନ୍ତ ଆକର୍ଷଣୀୟ ଓ ସଫଳ ଭାବେ ପାଳନ କରିବା ପାଇଁ ରାଜ୍ୟ ସରକାର ସମ୍ପୂର୍ଣ୍ଣ ଭାବେ ପ୍ରସ୍ତୁତ। ଏଥିପାଇଁ ରାଜଧାନୀ ଭୁବନେଶ୍ୱରରେ ଥିବା ବିଭିନ୍ନ ବେଆଇନ ଏବଂ ଅସ୍ଥାୟୀ ଜବରଦଖଲ ଉଚ୍ଛେଦ କରାଯାଉଛି। ଏହା ସହ ରାସ୍ତାଘାଟ ମରାମତି ଜୋରସୋର ଜାରି ରହିଛି।
ରାଜଧାନୀର ମୁକୁଳା ଡ୍ରେନ ମଧ୍ୟ ମରାମତି କରାଯାଉଛି। ରାଜଧାନୀର ମୁକୁଳା ଡ୍ରେନ କାର୍ଯ୍ୟର ସମୀକ୍ଷା କରିଛନ୍ତି ନଗର ଉନ୍ନୟନ ମନ୍ତ୍ରୀ। ପ୍ରବାସୀ ଭାରତୀୟ ଦିବସ ପୂର୍ବରୁ ରାଜଧାନୀର ବିଭିନ୍ନ ଡ୍ରେନ ଓ ପରିମଳ ବ୍ୟବସ୍ଥାର ଅନୁଧ୍ୟାନ କରିଛନ୍ତି ମନ୍ତ୍ରୀ କୃଷ୍ଣଚନ୍ଦ୍ର ପାତ୍ର। ତୁରନ୍ତ ଖାଲସ୍ଥାନ ଅସଜଡ଼ା ସ୍ଥାନକୁ ସଜାଡ଼ିବାକୁ ବିଭାଗୀୟ ଯନ୍ତ୍ରୀଙ୍କୁ ନିର୍ଦ୍ଦେଶ ଦେଇଛନ୍ତି ମନ୍ତ୍ରୀ। ମନ୍ତ୍ରୀଙ୍କ ସହ ବିଏମସି, ବିଡ଼ିଏ ସମେତ ନଗର ଉନ୍ନୟନ ବିଭାଗର ବରିଷ୍ଠ ଅଧିକାରୀ ମାନେ ଉପସ୍ଥିତ ରହିଥିଲେ।