ଓଏଲ୍ ବ୍ୟୁରୋ: ବର୍ଷକ ବାରମାସ ୩୬୫ ଦିନ ଲୋକଙ୍କ ସେବାରେ ସାମିଲ ହୋଇଥିବା ଭାରତୀୟ ପାଣିପାଗ ବିଭାଗ ୧୫୦ ବର୍ଷ ପ୍ରତିଷ୍ଠା ଦିବସ ପାଳନ କରୁଛି। ବନ୍ୟା, ବାତ୍ୟା ପ୍ରାକୃତିକ ବିପର୍ଯ୍ୟୟ ବେଳେ ଗୁରୁତ୍ୱପୂର୍ଣ୍ଣ ଭୂମିକା ଗ୍ରହଣ କରିଥାଏ ଭାରତୀୟ ପାଣିପାଗ ବିଭାଗ ବା ଆଇଏମ୍ଡି। କେବେ ବାତ୍ୟା ଆସିବ, କେଉଁଠି ଲ୍ୟାଣ୍ଡଫଲ କରିବ। ବାତ୍ୟାର ଗତିପଥ କ’ଣ ରହିବ, ତାର ସଠିକ୍ ଆକଳନ କରି ଅନେକ ସମୟରେ ପ୍ରଶଂସା ସାଉଁଟିଛି ଆଇଏମ୍ଡି। ଆଉ ଏହି ସଠିକ୍ ଆକଳନ ଯୋଗୁ ଅନେକ ଧନ ଜୀବନ ରକ୍ଷା ହୋଇପାରିଛି।
ଆଜି ଭାରତୀୟ ପାଣିପାଗ ବିଭାଗକୁ ୧୫୦ ବର୍ଷ ପୂରିଛି। ୧୮୭୫ ମସିହା ଜାନୁଆରୀ ୧୫ ତାରିଖରେ ପ୍ରତିଷ୍ଠା ହୋଇଥିଲା ଭାରତୀୟ ପାଣିପାଗ ବିଭାଗ। ଏହି ୧୫୦ ବର୍ଷ ଭିତରେ ବିଭିନ୍ନ ସମୟରେ ପାଣିପାଗର ପ୍ରାକ୍ ସୂଚନା ଦେଇ ଚାଲିଛି ଆଇଏମ୍ଡି। ଭାରତୀୟ ପାଣିପାଗ ବିଭାଗର ଦେଢ଼ ଶହ ବର୍ଷ ପ୍ରତିଷ୍ଠା ଦିବସରେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ସାମିଲ ହୋଇଛନ୍ତି। କାର୍ଯ୍ୟକ୍ରମରେ ସ୍ୱତନ୍ତ୍ର ଡାକ ଟିକେଟ ଓ କାଏଁ ଉନ୍ମୋଚିତ ହୋଇଛି।
ଭାରତୀୟ ପାଣିପାଗ ବିଭାଗର ୧୫୦ ବର୍ଷ ପ୍ରତିଷ୍ଠା ଦିବସରେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ଉଦ୍ବୋଧନ ଦେଇ କହିଛନ୍ତି, ଭାରତୀୟ ପାଣିପାଗ ବିଭାଗ କେବଳ କୋଟି କୋଟି ଲୋକଙ୍କ ସେବା ନୁହେଁ ବରଂ ଭାରତର ବୈଜ୍ଞାନିକ ଯାତ୍ରାର ପ୍ରତୀକ ପାଲଟିଛି। ଏହାର ଉପଲବ୍ଧକୁ ସ୍ମରଣୀୟ କରିବା ପାଇଁ ଡାକ ଟିକେଟ ଓ ସ୍ୱତନ୍ତ୍ର କଏନ ଉନ୍ମୋଚିତ ହୋଇଛି। ୨୦୪୭ ମସିହାରେ ଦେଶ ଯେତେବେଳେ ସ୍ୱାଧୀନତାର ୧୦୦ ବର୍ଷ ପାଳନ କରିବ, ଏଥିପାଇଁ ଭାରତୀୟ ପାଣିପାଗ ବିଭାଗର କଣ ପ୍ରସ୍ତୁତି ରହିବ, ସେଥିପାଇଁ ଭିଜନ ଡକୁମେଣ୍ଟ ମଧ୍ୟ ଜାରି ହୋଇଛି। ଏହି ଅବସରରେ ମକର ସଂକ୍ରାନ୍ତି ପ୍ରଧାନମନ୍ତ୍ରୀଙ୍କ ପ୍ରିୟ ପର୍ବ ବୋଲି ପ୍ରଧାନମନ୍ତ୍ରୀ କହିଛନ୍ତି।