ଓଏଲ୍ ବ୍ୟୁରୋ: ବଲିଉଡ୍ ଜଗତରେ ଚାଞ୍ଚଲ୍ୟ। ସକାଳୁ ସକାଳୁ ସାମ୍ନାକୁ ଆସିଲା ବଡ ଖବର। ବଲିଉଡ୍ ଅଭିନେତା ସେଫ୍ ଅଲ୍ଲୀ ଖାନଙ୍କୁ ହତ୍ୟା ଉଦ୍ୟମ କରାଯାଇଥିବା ନେଇ ଖବର ସାମ୍ନାକୁ ଆସିଛି। ମୁମ୍ବାଇ ବାନ୍ଦ୍ରା ସ୍ଥିତ ଘରେ ପଶି ହତ୍ୟା ଉଦ୍ୟମ କରାଯାଇଛି। ବିଳମ୍ବିତ ରାତିରେ ଘରେ ପଶି ଛୁରାମାଡ କରିଛନ୍ତି ଦୁର୍ବୃତ୍ତ। ଛୁରାମାଡ ପରେ ସେଫ୍ ଅଲ୍ଲୀ ଖାନଙ୍କୁ ଲୀଳାବତି ହସ୍ପିଟାଲରେ ଭର୍ତ୍ତି କରିଯାଇଛି। ତେବେ ଅଭିନେତା ସେଫ୍ ଅଲ୍ଲୀ ଖାନ୍ ଏବେ ବିପଦମୁକ୍ତ ଥିବା ଡାକ୍ତର ସୂଚନା ଦେଇଛନ୍ତି। ସେପଟେ ଘଟଣାକୁ ଗୁରୁତର ସହ ନେଇ ବାନ୍ଦ୍ରା ସ୍ଥିତ ଘରେ ପହଞ୍ଚି ପୁଲିସ ତନାଘନା ଆରମ୍ଭ କରିଛି। ପୂର୍ବରୁ ଅନେକ ବଲିଉଡ ଷ୍ଟାର ଏବଂ ବଡ ବଡ ସ୍କୁଲକୁ ବୋମା ଧମକ, ହତ୍ୟା ଧମକ ଆସୁଥିଲା। ହେଲେ ସୈଫ୍ ଅଲ୍ଲି ସିଧାସଳଖ ଆକ୍ରମଣ କରାଯାଇଛି। ତେବେ କିଏ ଏବଂ କାହିଁକି ଏଭଳି ଘଟଣା ଘଟାଇଛି ତାହା ନେଇ ତଦନ୍ତ ଜାରି ରହିଛି।
