ଓଏଲ୍ ବ୍ୟୁରୋ: ୫ ଦିନିଆ ଭାରତ ଗସ୍ତରେ ଆସିଥିବା ସିଙ୍ଗାପୁର ରାଷ୍ଟ୍ରପତି ଓଡ଼ିଶା ଗସ୍ତରେ ଆସୁଛନ୍ତି। ଆସନ୍ତାକାଲିଠୁ ୨ ଦିନିଆ ଓଡ଼ିଶା ଗସ୍ତରେ ଆସିବେ। କାଲି ୧୧ଟା ୪୫ରେ ଭୁବନେଶ୍ୱର ପହଞ୍ଚିବେ। ଅପରାହ୍ନ ୨ଟାରେ ମୁଖ୍ୟମନ୍ତ୍ରୀଙ୍କୁ ଭେଟିବାର କାର୍ଯ୍ୟକ୍ରମ। ବିଶ୍ୱ ଦକ୍ଷତା ବିକାଶ କେନ୍ଦ୍ରରେ ସରକାରଙ୍କ ସହ MoU କରିବେ। ୧୮ରେ ରଘୁରାଜପୁର ଗାଁ ଓ କୋଣାର୍କ ବୁଲି ଦେଖିବେ।
ଭାରତ-ସିଙ୍ଗାପୁର ଦ୍ବିପାକ୍ଷିକ ସମ୍ପର୍କ ୬୦ ବର୍ଷ ପୂରଣ କରିଥିବା ବେଳେ ଶାନମୁଗରତ୍ନମଙ୍କ ଭାରତ ଗସ୍ତ ବେଶ ଗୁରୁ୍ତ୍ବବହନ କରୁଛି। ତେବେ ଶାନମୁଗରତ୍ନମ ଏହି ୫ ଦିନିଆ ଗସ୍ତରେ ଫୋକସରେ ରହିଛି ଓଡ଼ିଶା। ଏହି ଅବସରରେ ଆସନ୍ତା ୧୭ ଓ ୧୮ ଜାନୁଆରୀ ସେ ଓଡ଼ିଶା ଗସ୍ତରେ ରହିବେ। ଓଡ଼ିଶାର କଳାସଂସ୍କୃତିକୁ ପାଖରୁ ଦେଖିବେ। ଦୁଇ ଦିନିଆ ଓଡ଼ିଶା ଗସ୍ତରେ ସେ ବିଶ୍ବ ପ୍ରସିଦ୍ଧ କୋଣାର୍କ ସୂର୍ଯ୍ୟ ମନ୍ଦିର ଓ ପୁରୀର ପଟ୍ଟଚିତ୍ର ଓ କଳାକୃତିର ଗାଁ ରଘୁରାଜପୁର ଯିବାର କାର୍ଯ୍ୟକ୍ରମ ରହିଛି।