ଓଏଲ୍ ବ୍ୟୁରୋ: ପେଟିଏମ୍ ପେମେଣ୍ଟ ସର୍ଭିସେସ୍ ଲିମିଟେଡର ସିଇଓ ପଦରୁ ଇସ୍ତଫା ଦେଲେ ନକୁଳ ଜୈନ। ନୂଆକରି ନିଜ କମ୍ପାନୀ ଦ୍ବାରା ବାଣିଜ୍ୟ ଜଗତରେ ପାଦ ଥାପିବାକୁ ପ୍ରସ୍ତୁତ ହେଉଥିବାରୁ ନକୁୁଳ ଜୈନ ସିଇଓ ପଦରୁ ଇସ୍ତଫା ଦେଇଥିବା ସୂଚନା ରହିଛି।
ପେଟିଏମ୍ ପକ୍ଷରୁ କୁହାଯାଇଛି, ଆମେ ନକୁୁଳ ଜୈନଙ୍କ ବିକଳ୍ପ ଖୋଜୁୁଛୁ। ଆଉ ନୂଆ ସିଇଓଙ୍କ ନାମ ଖୁବଶୀଘ୍ର ଘୋଷଣା କରାଯିବ। ଏହାରି ମଧ୍ୟରେ ପେଟିଏମ୍ ପେମେଣ୍ଟ ସର୍ଭିସେସ୍ ଲିମିଟେଡ୍ ନିଜର ବିକାଶକୁ ନୂଆ ଗତି ଦେବା ପାଇଁ ଓ ନିଜର ବୈବାସିୟିକ ଉଦ୍ଦେଶ୍ୟକୁ ପୂରା କରିବା ପାଇଁ ସବୁବେଳେ କାମ କରିବାକୁ ପ୍ରସ୍ତୁତ।
ବର୍ତ୍ତମାନ କମ୍ପାନୀ ଫିନଟେକ ନିଜର ପେମେଣ୍ଟ ଏଗ୍ରିଗେଟର ଲାଇସେନ୍ସ ପାଇଁ କେନ୍ଦ୍ରୀୟ ବ୍ୟାଙ୍କର ମଞ୍ଜୁରୀକୁ ଅପେକ୍ଷା କରିଥିବା ବେଳେ ସିଇଓ ଇସ୍ତଫା ଦେଇଛନ୍ତି। ୨୦୨୨ ନଭେମ୍ବର ମାସରେ ଭାରତୀୟ ରିଜର୍ଭ ବ୍ୟାଙ୍କ ଏଫଡଇଆଇ ମାନଦଣ୍ଡକୁ ସଠିକ୍ ଭାବେ ପାଳନ ନକରିବାରୁ ପେଟିଏମ୍ର ଆବେଦନକୁ ଖାରଜ କରି ଦେଇଥିଲା।