ଓଏଲ୍ ବ୍ୟୁରୋ: ସେଣ୍ଟର ଫର୍ ମ୍ୟାନେଜେରିଆଲ୍ ଏକ୍ସଲେନସ୍ (CMEX) ରାଜଧାନୀ କଲେଜ୍ ଭୁବନେଶ୍ବରରେ “ବଜେଟ୍ ୨୦୨୫ ବିଶ୍ଳେଷଣ” ବିଷୟରେ ଏକ ଗୁରୁତ୍ବପୂର୍ଣ୍ଣ ସଭା ଅନୁଷ୍ଠିତ ହୋଇଯାଇଛି। ଏହି ଆଲୋଚନ ଚକ୍ର ଉଦ୍ଦେଶ୍ୟ ଥିଲା ବଜେଟ୍ ୨୦୨୫ର ମୁଖ୍ୟ ପ୍ରସଙ୍ଗଗୁଡ଼ିକୁ ବିଶ୍ଳେଷଣ କରି ଛାତ୍ରଛାତ୍ରୀମାନଙ୍କୁ ଏବଂ ଅଧ୍ୟାପକମାନଙ୍କୁ ତାହାର ପ୍ରଭାବ ବିଷୟରେ ସ୍ପଷ୍ଟ ଧାରଣା ଦେବା। ଏହି ସଭାର ମୁଖ୍ୟବକ୍ତା ଭାବେ ଚାଟାର୍ଡ ଆକାଉଣ୍ଟାଣ୍ଟ ସରତ କୁମାର ଦାଶ ଏବଂ ଚାଟାର୍ଡ ଆକାଉଣ୍ଟାଣ୍ଟ ରୁଦ୍ରନାରାୟଣ ସା ଉପସ୍ଥିତ ଥିଲେ। ଅର୍ଥନୀତି ବିଶେଷଜ୍ଞଙ୍କ ଦ୍ୱାରା ରାଷ୍ଟ୍ରୀୟ ଅର୍ଥନୀତି, ଟ୍ୟାକ୍ସ ଏବଂ ବ୍ୟବସାୟ ଉପରେ ବଜେଟର ପ୍ରଭାବ ବିଷୟରେ ବିସ୍ତୃତ ଆଲୋଚନା ହୋଇଥିଲା। ଏହି ଆଲୋଚନା ଦ୍ୱାରା ଛାତ୍ରଛାତ୍ରୀ ଏବଂ ଅଧ୍ୟାପକମାନଙ୍କ ପାଇଁ ଏକ ଅତ୍ୟନ୍ତ ଜ୍ଞାନବର୍ଷକ ଅନୁଭବ ରହିଥିଲା।
ପ୍ରିନ୍ସିପାଲ୍, ରାଜଧାନୀ କଲେଜର ପ୍ରିନ୍ସିପାଲ୍ ଡଃ ସରୋଜକାନ୍ତ ଚୌଧୁରୀ ଏହି କାର୍ଯ୍ୟକ୍ରମର ସମ୍ମାନନୀୟ ଅତିଥି ଭାବେ ଯୋଗଦେଇ ଥିଲେ। ସେଣ୍ଟର ହେଡ୍ ପ୍ରୀତି ପ୍ରିୟଦର୍ଶିନୀ ରାଉତ, MBA ଏଗ୍ରିବିଜନେସ୍ କୋଓର୍ଡିନେଟର୍ ଡଃ ସଂଘମିତ୍ରା ଜେନା ଏବଂ PMIR କୋଓର୍ଡିନେଟର୍ ଡଃ ଧରିତ୍ରୀ ରଥ ଏହି କାର୍ଯ୍ୟକ୍ରମର ଏକ ଗୁରୁତ୍ବପୂର୍ଣ୍ଣ ଅଂଶ ଭାବେ ଯୋଗଦେଇଥିଲେ। ଅଧ୍ୟାପକ ଅଙ୍କିତା ଜେନା, ସିପୁଲ୍ ସ୍ବାଇଁ, ଅଶୁତୋଷ କର୍କୋରା ଏବଂ ମଧୁସ୍ମିତା ମଙ୍ଗରାଜ ଏହି କାର୍ଯ୍ୟକ୍ରମକୁ ଅଧ୍ୟାପକମାନଙ୍କ ପର୍ସପେକ୍ଟିଭରୁ ଅଧିକ ଗଭୀର ଏବଂ ଉପଯୋଗୀ କରିଥିଲେ।
ଡ଼. ସରୋଜକାନ୍ତ ଚୌଧୁରୀ ନିଜ ସମ୍ବୋଧନରେ କହିଥିଲେ ଯେ, ଆଗାମୀ ଭବିଷ୍ୟତ୍ ପାଇଁ ମ୍ୟାନେଜମେଣ୍ଟ ଏବଂ ନୀତି ନିର୍ଦ୍ଦେଶକମାନଙ୍କ ପାଇଁ ବଜେଟ୍ ବିଶ୍ଳେଷଣ ଅତ୍ୟନ୍ତ ଜରୁରୀ। ପ୍ରୀତି ପ୍ରିୟଦର୍ଶିନୀ ରାଉତ ରାଷ୍ଟ୍ରୀୟ ଅର୍ଥନୀତି ଏବଂ ଉଦ୍ୟୋଗ ଉପରେ ଏହି ବଜେଟ୍ ର ପ୍ରଭାବ ବିଷୟରେ ଆଲୋଚନା କରିଥିଲେ। ଏହି କାର୍ଯ୍ୟକ୍ରମର ଶେଷରେ ଏକ ଇଣ୍ଟରାକ୍ଟିଭ୍ ସେସନ୍ ହୋଇଥୁଲା, ଯେଉଁଠି ଛାତ୍ରଛାତ୍ରୀମାନେ ନିଜର ଜିଜ୍ଞାସା ଉଠାଇଥିଲେ ଏବଂ ପ୍ରଶ୍ନ ଉତ୍ତର ମଧ୍ୟମରେ ଚଳିତ ବଜେଟ୍ ବିଷୟରେ ଅନେକ ଗୁରୁତ୍ବପୁର୍ଣ ଜ୍ଞାନ ଅର୍ଜନ କରିଥିଲେ। ଏହି ପ୍ରୟାସ ରାଜଧାନୀ କଲେଜର ଛାତ୍ରଛାତ୍ରୀମାନଙ୍କ ମଧ୍ୟରେ ଅର୍ଥନୀତିକ ଜ୍ଞାନ ଏବଂ ମ୍ୟାନେଜେମେଣ୍ଟ ସମ୍ୱନ୍ଧୀୟ ଦକ୍ଷତା ବୃଦ୍ଧି କରିବାର ଉଦ୍ଦେଶ୍ୟ ଅନେକ ଗୁରୁତ୍ବପୁର୍ଣ ଭୂମିକା ଗ୍ରହଣ କରିବ।