ଓଏଲ୍ ବ୍ୟୁରୋ: ବୁଲଡୋଜର ମାମଲାକୁ ନେଇ ବଡ଼ ଖବର ସାମ୍ନାକୁ ଆସିଛି। ଆବେଦନକାରୀଙ୍କ ଆବେଦନକୁ ଗୁରୁତ୍ବର ସହ ନେଇ ସୁପ୍ରିମକୋର୍ଟ କହିଛନ୍ତି, ୨୪ ଘଣ୍ଟା ଭିତରେ ଯେଉଁମାନଙ୍କ ଘରକୁ ବୁଲଡୋଜର ଲଗାଇ ଭଙ୍ଗାଯାଇଛି ସେମାନଙ୍କୁ ୧୦ ଲକ୍ଷ ଲେଖାଏଁ କ୍ଷତିପୂରଣ ଦେବେ ରାଜ୍ୟ ସରକାର। ଉତ୍ତରପ୍ରଦେଶ ବୁଲଡୋଜର ମାମଲାକୁ କଠୋର ଭାବେ ନେଇ ବଡ ନିଷ୍ପତ୍ତି ଶୁଣାଇଛନ୍ତି ସର୍ବୋଚ୍ଚ ନ୍ୟାୟାଳୟ। ପ୍ରୟାଗରାଜର ଜଣେ ଓକିଲ, ଜଣେ ପ୍ରଫେସର, ୩ ଜଣ ମହିଳାଙ୍କ ଆବେଦନର ଶୁଣାଣି କରିଛନ୍ତି କୋର୍ଟ।
ସୂଚନା ଅନୁସାରେ, ୨୦୨୧ରେ ସେମାନଙ୍କ ଘରକୁ ବୁଲଡୋଜର ଲଗାଇ ଭାଙ୍ଗିଦିଆଯାଇଥିଲା। ଘର ଭାଙ୍ଗିବାକୁ ନୋଟିସ୍ ଦିଆଯିବାର ମାତ୍ର ୨୪ ଘଣ୍ଟା ଭିତରେ ଘରକୁ ଭାଙ୍ଗିଦେବା ମାନବୀୟ ଅଧିକାରର ଘୋର ଉଲଂଘନ କୋର୍ଟ ବୋଲି କହିଛନ୍ତି। ତେଣୁ ପ୍ରୟାଗରାଜ ବିକାଶ ପ୍ରାଧିକରଣ ଏଥିପାଇଁ ଦାୟୀ ରହିବା ସହ ଏହାର କ୍ଷତିପୂରଣ ବାବଦକୁ ୧୦ ଲକ୍ଷ ଲେଖାଏଁ କ୍ଷତିପୂରଣ ତୁରନ୍ତ ଦେବାକୁ ସର୍ବୋଚ୍ଚ ନ୍ୟାୟାଳୟ ନିର୍ଦ୍ଦେଶ ଦେଇଛନ୍ତି।