Odisha Link
Bridging the Missing Links in Odisha

କୋଶଳୀ ଭାଷାକୁ ମିଳୁ ରାଜ୍ୟ ଭାଷାର ମାନ୍ୟତା, ଗୃହରେ ଦାବି କଲେ ବିରୋଧୀ ଦଳ ଉପନେତା

ଓଏଲ୍‌ ବ୍ୟୁରୋ: କୋଶଳୀ ଭାଷାକୁ ରାଜ୍ୟ ଭାଷା ମାନ୍ୟତା ଦେବାକୁ ଆଜି ବିଧାନସଭାରେ ବିରୋଧୀ ଦଳ ଉପନେତା ପ୍ରସନ୍ନ ଆଚାର୍ଯ୍ୟ ଦାବି କରିଛନ୍ତି। ବିରୋଧୀ ଦଳ ଉପନେତା ପ୍ରସନ୍ନ ଆଚାର୍ଯ୍ୟ କହିଛନ୍ତି, ରାଜ୍ୟର ୧୧ ଜିଲ୍ଲାର ୧.୫ କୋଟି ଲୋକ କୋଶଳୀ ଭାଷାରେ କଥାବାର୍ତ୍ତା ହୁଅନ୍ତି। ଅନେକ ବର୍ଷ ହେବ ଏହି ଭାଷାକୁ ଅନ୍ୟତମ ରାଜ୍ୟ ଭାଷା ଭାବେ ମାନ୍ୟତା ଦେବାକୁ ଦାବି ହୋଇଆସୁଛି। ଏହି ଭାଷାରେ ରାମାୟଣ, ମହାଭାରତ, ହଜାର ହଜାର କବିତା ଓ କ୍ଷୁଦ୍ର ଗଳ୍ପ ଲେଖା ହୋଇଛି। ଏହି ଭାଷାର ନିଜସ୍ବ ଅଭିଧାନ ଅଛି।

ବିଗତ ଦିନରେ ସଂସଦରେ ବର୍ତ୍ତମାନର ରାଜସ୍ବ ମନ୍ତ୍ରୀ ସେତେବେଳର ସାଂସଦ ସୁରେଶ ପୂଜାରୀ ଏବଂ ମୁଁ ଏହି ପ୍ରସଙ୍ଗ ଉଠାଇ ସମ୍ବିଧାନର ଅଷ୍ଟମ ଅନୁଛେଦରେ କୋଶଳୀ ଭାଷାକୁ ସ୍ଥାନିତ କରିବାକୁ ଦାବି କରିଥିଲୁ। ରାଜ୍ୟ ସରକାର କେନ୍ଦ୍ରକୁ ଏନେଇ ଆଉଥରେ ପ୍ରସ୍ତାବ ପଠାନ୍ତୁ। ସେହିପରି ରାଜ୍ୟ ସରକାର ଆଉ ଏକ ଭାଷାକୁ ରାଜ୍ୟ ଭାଷାର ମାନ୍ୟତା ପ୍ରଦାନ କରିବାକୁ ସମ୍ବିଧାନ କ୍ଷମତା ପ୍ରଦାନ କରିଛି ବୋଲି ସେ କହିଥିଲେ। ଏହି ଦାବି ସମର୍ଥନରେ କୋଶଳୀ ଭାଷାରେ ମନ୍ତବ୍ୟ ରଖି ଜୁନାଗଡ଼ ବିଧାୟକ ଦିବ୍ୟ ଶଙ୍କର ମିଶ୍ର ଯଥା ଶୀଘ୍ର କୋଶଳୀ ଭାଷାକୁ ରାଜ୍ୟ ଭାଷା ମାନ୍ୟତା ପ୍ରଦାନ ଦାବି କରିଥିଲେ।

Leave A Reply

Your email address will not be published.