ସମ୍ବଲପୁର ଗସ୍ତରେ ପୁଲିସ ଡିଜି, ଆଇନ ଶୃଙ୍ଖଳା ସ୍ଥିତିର କରିବେ ସମୀକ୍ଷା

ଓଏଲ୍ ବ୍ୟୁରୋ: ଏପ୍ରିଲ ୬ ତାରିଖରେ ପାଳନ ହେବ ରାମନବମୀ। ହିନ୍ଦୁ ରାଷ୍ଟ୍ରରେ ଧୂମଧାମରେ ପ୍ରତିବର୍ଷ ପାଳିତ ହୁଏ ଏହି ଉତ୍ସବ। ଚଳିତବର୍ଷ ମଧ୍ୟ ବେଶ ଧୂମଧାମରେ ରାମନବମୀ ଓ ହନୁମାନ ଜୟନ୍ତୀ ପାଳନ ନେଇ ପ୍ରସ୍ତୁତି ଆରମ୍ଭ ହୋଇଛି। ଏହି କ୍ରମରେ ସମ୍ବଲପୁରରେ ରାମନବମୀ ଓ ହନୁମାନ ଜୟନ୍ତୀ ପାଳନ ନେଇ ପ୍ରସ୍ତୁତି ଆରମ୍ଭ ହୋଇଛି। ସୁରକ୍ଷା ଦୃଷ୍ଟିରୁ ସମ୍ବଲପୁରରେ ମୁତୟନ ହେବେ ବିଏସ୍ଏଫ୍।
ସମ୍ବଲପୁରରେ ଆଇନ ଶୃଙ୍ଖଳା ସମୀକ୍ଷା କରିବା ପାଇଁ ସମ୍ବଲପୁର ଗସ୍ତ କରିଛନ୍ତି ପୁଲିସ ଡିଜି। ହନୁମାନ ଜୟନ୍ତୀ ଶୋଭାଯାତ୍ରା ପ୍ରସ୍ତୁତି ନେଇ ସମୀକ୍ଷା କରିବେ। ୫ଟି ଜିଲ୍ଲାର ଏସ୍ପିଙ୍କ ସହ ଆଲୋଚନା କରିବେ ପୁଲିସ ଡିଜି ୱାଇବି ଖୁରାନିଆ।
ସୂଚନା ଅନୁସାରେ, ସମ୍ବଲପୁରରେ ମୁତୟନ ହେବେ କେନ୍ଦ୍ରୀୟ ଫୋର୍ସ। ରାମନବମୀ ଓ ହନୁମାନ ଜୟନ୍ତୀ ପାଇଁ ପ୍ରଶାସନ ପକ୍ଷରୁ ପଦକ୍ଷେପ ନିଆଯାଇଛି। ସମ୍ବଲପୁରରେ ମୁତୟନ ହେବେ ୨ କଂପାନୀ ବିଏସ୍ଏଫ୍ ଫୋର୍ସ। ୨ କଂପାନୀ ବିଏସ୍ଏଫ୍, ୧ କଂପାନୀ ରାପିଡ୍ ଆକ୍ସନ ଫୋର୍ସ ବି ମୁତୟନ ହେବେ। ଏଥିସହ ୧୨ ପ୍ଲାଟୁନ ପୁଲିସ ଫୋର୍ସ ବି ମୁତୟନ ହେବେ ବୋଲି ସମ୍ବଲପୁର ଏସ୍ପି ମୁକେଶ ଭାମୁ ସୂଚନା ଦେଇଛନ୍ତି ।