ଓଏଲ୍ ବ୍ୟୁରୋ: ମମତା ବାନାର୍ଜୀ ସରକାରଙ୍କୁ ‘ସୁପ୍ରିମ୍’ ଝଟ୍କା। ବାତିଲ ହେଲା ପଶ୍ଚିମବଙ୍ଗ ସର୍ଭିସ କମିଶନର ନିଯୁକ୍ତି। ୨୫ ହଜାରରୁ ଊର୍ଦ୍ଧ୍ବ ଶିକ୍ଷକଙ୍କ ନିଯୁକ୍ତି ବାତିଲ କରିଛନ୍ତି ସୁପ୍ରିମ କୋର୍ଟ। ନିଯୁକ୍ତି ପ୍ରକ୍ରିୟାରେ ହେରଫେର ହୋଇଥିବା କହି ସୁପ୍ରିମ କୋର୍ଟ ନିଯୁକ୍ତି ବାତିଲ କରିଛନ୍ତି। କୋଲକାତା ହାଇକୋର୍ଟଙ୍କ ରାୟକୁ ବଳବତ୍ତର ରଖିଛନ୍ତି ସୁପ୍ରିମ କୋର୍ଟ। ୩ ମାସ ଭିତରେ ପୁଣି ପରୀକ୍ଷା କରି ନିଯୁକ୍ତି ଦେବାକୁ ନିର୍ଦେଶ ଦେଇଛନ୍ତି। କୋଲକାତା ହାଇକୋର୍ଟଙ୍କ ରାୟକୁ ଚାଲେଞ୍ଜ କରି ସୁପ୍ରିମ କୋର୍ଟ ଯାଇଥିଲେ ମମତା ସରକାର। ମାମଲାର ଶୁଣାଣି କରି କୋଲକାତା ହାଇକୋର୍ଟଙ୍କ ରାୟକୁ ବଳବତ୍ତର ରଖିଛନ୍ତି ସୁପ୍ରିମ କୋର୍ଟ।
