ଓଏଲ୍ ବ୍ୟୁରୋ: ଶ୍ରୀମନ୍ଦିର ସିଂହଦ୍ୱାର ସମ୍ମୁଖ ଅରୁଣ ସ୍ତମ୍ଭ ସାମ୍ନାରେ ଭାସୁଛି ପେଜ ନଳାରୁ ନିର୍ଗତ ପାଣି। ପରିକ୍ରମା ପ୍ରକଳ୍ପ ଶେଷ ହେବାର ୬ ମାସ ନ ପୁରୁଣୁ ଦେଖାଗଲାଣି ଏଭଳି ସମସ୍ୟା। ସିଂହଦ୍ୱାର ଆଗରୁ ପେଜ ସଫା କରିବା ପାଇଁ ସଫେଇ କର୍ମଚାରୀଙ୍କୁ ନାକେଦମ ହେବାକୁ ପଡ଼ିଛି। ପେଜ ଜମି ରହୁଥିବାରୁ ଶ୍ରଦ୍ଧାଳୁ ଓ ପର୍ୟ୍ୟଟକ ମଧ୍ୟ ବହୁ ସମସ୍ୟା ଭୋଗୁଛନ୍ତି।
ଶ୍ରୀମନ୍ଦିର ଭୋଜନାଳୟରୁ ଏହି ପେଜପାଣି ଆସୁଥିବା ଜଣାପଡ଼ିଛି। ତେବେ ଏଥିରେ ଆଖପାଖ ସାହିବସ୍ତିର ପାଣି ମିଶୁଥିବା କୁହାଯାଉଥିବା ବେଳେ ଏହାକୁ ଖଣ୍ଡନ କରିଛନ୍ତି ଅଧିକାରୀ।ନାଳରେ କିଛି ଚୋପା ଜାତୀୟ ପଦାର୍ଥ ଜମା ହୋଇ ଏହି ପରିସ୍ଥିତି ସୃଷ୍ଟି ହୋଇଛି। ତୁରନ୍ତ ଏହାର ସମାଧାନ ପାଇଁ ଅଧିକାରୀ ତଥା କର୍ମଚାରୀଙ୍କୁ ନିର୍ଦ୍ଦେଶ ଦିଆଯାଇଥିବା ସେ କହିଛନ୍ତି।