ଓଏଲ୍ ବ୍ୟୁରୋ: ଆନ୍ଧ୍ରରେ ଜଳପ୍ରଳୟ ସୃଷ୍ଟି ହୋଇଛି। ଦକ୍ଷିଣ ଭାରତର ଦୁଇଟି ରାଜ୍ୟ ଆନ୍ଧ୍ରପ୍ରଦେଶ ଓ ତେଲଙ୍ଗାନାରେ ଦୁଇ ଦିନ ଧରି ଲଗାତାର ଭାବେ ବର୍ଷା ଜାରି ରହିଛି। ଏହି ଦୁଇ ରାଜ୍ୟରେ ବନ୍ୟା କାରଣରୁ ୨୦ ଜଣଙ୍କର ମୃତ୍ୟୁ ହୋଇ ସାରିଲାଣି। ଉଭୟ ରାଜ୍ୟରେ ବନ୍ୟା ସ୍ଥିତି ବେଶ ସଂଗୀନ ରହିଛି। ଜନଜୀବନ ମଧ୍ୟ ଗୁରୁତର ପ୍ରଭାବିତ ହୋଇଥିବା ଦେଖିବାକୁ ମିଳିଛି। ନଦୀନାଳରେ ବନ୍ୟା ଜଳ ଉଛୁଳା ମାରୁଥିବା ଦେଖିବାକୁ ମିଳିଛି।
ନଦୀ ଓ ଡ୍ରେନଗୁଡିକ ସ୍ପାଟରେ ଅଛି ଏବଂ ନିମ୍ନମାନର ଅଞ୍ଚଳରେ ଜଳମଗ୍ନ ହୋଇଛି। ବିଜୟୱାଡ଼ା ଓ ଗୁଣ୍ଟୁର ଜିଲ୍ଲାରେ ସ୍ଥିତି ବେହାଲ୍ ରହିଛି। ବର୍ଷା ପାଇଁ ଆଜି ଆନ୍ଧ୍ରରେ ସ୍କୁଲ ଛୁଟି ଘୋଷଣା କରାଯାଇଛି। ଆନ୍ଧ୍ରପ୍ରଦେଶ ଓ ତେଲେଙ୍ଗାନାରେ ଧୋଇ ଯାଇଛି ରେଲୱେ ଟ୍ରାକ୍ସ। ଉଥ ସେଣ୍ଟ୍ରାଲ୍ ରେଲୱେ ଲାଇନରେ ଟ୍ରେନ୍ ଚଳାଚଳ ବାଧାପ୍ରାପ୍ତ ହୋଇଛି। ୯୯ଟି ଟ୍ରେନ ଚଳାଚଳ ବାତିଲ ହୋଇଥିବାବେଳେ ୫୪ ଟ୍ରେନର ଗତିପଥ ପରିବର୍ତ୍ତନ କରାଯାଇଛି। ବିଶେଷ କରି ଓଡ଼ିଶାରୁ ଆନ୍ଧ୍ର ଓ ତେଲାଙ୍ଗାନାକୁ ଯୋଗାଯୋଗ କରୁଥିବା ଟ୍ରେନ ବାତିଲ ହୋଇଛି।
ଟ୍ରେନ ବାତିଲ୍:
– ୨ ତାରିଖ (ସୋମବାର) ୨୦୮୧୦ ନନ୍ଦେଡ- ସମ୍ବଲପୁର ଏକ୍ସପ୍ରେସ ବାତିଲ।
– ୨ ତାରିଖ (ସୋମବାର) ବିଶାଖାପାଟନମ୍ରୁ ୨୦୮୩୩ ବିଶାଖାପାଟନମ୍- ସିକନ୍ଦରବାଦ୍ ଏକ୍ସପ୍ରେସ ବାତିଲ।
– ୨ ତାରିଖ (ସୋମବାର) ସିକନ୍ଦରବାଦ୍ରୁ ୨୦୮୩୪ ସିକନ୍ଦରବାଦ୍ରୁ ବିଶାଖାପାଟଣା ଏକ୍ସପ୍ରେସ ବାତିଲ।
– ୨ ତାରିଖ (ସୋମବାର) ୨୦୭୦୭/୨୦୭୦୮ ସିକନ୍ଦରବାଦରୁ ବିଶାଖାପାଟଣା ଏକ୍ସପ୍ରେସ ଉଭୟ ଦିଗରୁ ବାତିଲ।
– ୩ ତାରିଖ (ମଙ୍ଗଳବାର) LTTରୁ ୧୮୫୨୦ LTT- ବିଶାଖାପାଟନମ୍ ଏକ୍ସପ୍ରେସ୍ ବାତିଲ।
ଟ୍ରେନର ଦିଗ ପରିବର୍ତ୍ତନ:
– ପୁରୀରୁ ୨୦୮୧୯ ପୁରୀ-ଓଖା ଏକ୍ସପ୍ରେସ ଖୋର୍ଦ୍ଧା ରୋଡ୍, ବିଶାଖାପାଟନମ୍, ବିଜୟନଗରମ୍, ରାୟାଗଡା, ଟିଟିଲାଗଡ, ରାୟପୁର, ନାଗପୁର, ୱାର୍ଧା ଦେଇ ଚଳାଚଳ କରିବ ।
– ବିଶାଖାପାଟନମରୁ ୨୦୮୦୫ ବିଶାଖାପାଟନମର-ନୂଆଦିଲ୍ଲୀ ଏକ୍ସପ୍ରେସ ବିଜୟନଗରମ୍-ରାୟପୁର- ନାଗପୁର ଦେଇ ଚଳାଚଳ କରିବ ।
– ଭୁବନେଶ୍ୱରରୁ ୧୧୦୨୦ ଭୁବନେଶ୍ୱର-ମୁମ୍ବାଇ କୋଣାର୍କ ଏକ୍ସପ୍ରେସ ବିଜୱାଡା, ଗୁଣ୍ଟୁର, ସିକନ୍ଦରବାଦ ଦେଇ ଚଳାଚଳ କରିବ ।
– ବିଶାଖାପାଟନମରୁ ୧୨୮୦୩ ବିଶାଖାପାଟନମ-ନିଜାମୁଦ୍ଦିନ ଏକ୍ସପ୍ରେସ ୨ ତାରିଖରେ ବିଜୟନଗରମ୍, ରାୟଗଡା, ଟିଟିଲାଗଡ, ରାୟପୁର- ନାଗପୁର ଦେଇ ଚଳାଚଳ କରିବ ।
– LTTରୁ ୧୮୫୨୦ LTT- ବିଶାଖାପାଟନମ ଏକ୍ସପ୍ରେସ ସିକନ୍ଦରବାଦ୍, ପାଗିଡିପାଲ୍ଲୀ, ଗୁଣ୍ଟୁର ଦେଇ ଚଳାଚଳ କରିବ ।
– ନିଜାମୁଦ୍ଦିନରୁ ୧୨୮୦୪ ନିଜାମୁଦ୍ଦିନ-ବିଶାଖାପାଟନମ୍ ଏକ୍ସପ୍ରେସ ନାଗପୁର, ରାୟପୁର, ଟିଟିଲାଗଡ, ରାୟଗଡା, ବିଜୟନଗରମ୍ ଦେଇ ଚାଲିବ ।
– ମୁମ୍ବାଇରୁ ୧୧୦୧୯ ମୁମ୍ବାଇ-ଭୁବନେଶ୍ୱର କୋଣାର୍କ ଏକ୍ସପ୍ରେସ ସିକନ୍ଦରବାଦ୍, ପାଗିଡିପାଲ୍ଲୀ, ଗୁଣ୍ଟୁର, ବିଜୟୱାଡା ଦେଇ ଚାଲିବ ବୋଲି ପୂର୍ବତଟ ରେଳପଥ ସୂଚନା ଦେଇଛି ।