ଓଏଲ୍ ବ୍ୟୁରୋ: ଲଘୁଚାପ ପ୍ରଭାବରେ ରାଜ୍ୟରେ ପ୍ରବଳ ବର୍ଷା ଜାରି ରହିଛି। ପ୍ରବଳ ବର୍ଷା ପାଇଁ ସବୁଠି ସମସ୍ୟା ସୃଷ୍ଟି ହୋଇଛି। ଏସବୁ ଭିତରେ ପାରାଦୀପ ମହାନଦୀ ମୁହାଣରେ ୧୪ ମତ୍ସ୍ୟଜୀବୀ ଫସି ରହିଥିବା ଜଣା ପଡିଥିଲା। କୋଷ୍ଟଗାର୍ଡଙ୍କ ଉଦ୍ୟମ ପରେ ପାରାଦୀପ ମହାନଦୀ ମୁହାଣରୁ ୧୪ ମତ୍ସ୍ୟଜୀବୀ ସୁରକ୍ଷିତ ଉଦ୍ଧାର ହୋଇଛନ୍ତି। ୨ ବୋଟ୍ ସହ ମତ୍ସ୍ୟଜୀବୀଙ୍କୁ ସୁରକ୍ଷିତ ଉଦ୍ଧାର କଲା କୋଷ୍ଟଗାର୍ଡ।
ସୂଚନା ଅନୁସାରେ, ଗୋଟିଏ ବୋଟ୍କୁ ଉଦ୍ଧାର ପାଇଁ ଯାଇ ଆଉ ଏକ ବୋଟ୍ ଫସି ରହିଥଲ। ଅଚଳ ବୋଟ୍କୁ ଟାଣି ଟାଣି ଆଣୁଥିବା ବେଳେ ଦଉଡ଼ି ଛିଣ୍ଡି ପଡିଥିଲା। ଦଉଡ଼ି ଛିଣ୍ଡି ପଙ୍ଖାରେ ଲାଗିବାରୁ ଉଦ୍ଧାରକାରୀ ବୋଟ୍ ଫସି ଯାଇଥିଲା। ଫସିଥିବା ୨ଟି ବୋଟ୍କୁ ଉଦ୍ଧାର ପାଇଁ କୋଷ୍ଟଗାର୍ଡ ଉଦ୍ୟମ କରି ସଫଳ ହୋଇଛି ।