ଓଏଲ୍ ବ୍ୟୁରୋ: କାଳୀପୂଜା ଏବଂ ଛଟ୍ପୂଜା ସମୟରେ ଯାତ୍ରୀ ଭିଡ଼କୁ ଦୃଷ୍ଟି ରଖି ରେଳ ମନ୍ତ୍ରଣାଳୟ ପକ୍ଷରୁ ୨୭ ଯୋଡ଼ା ସ୍ୱତନ୍ତ୍ର ଟ୍ରେନ୍ ଚଳାଚଳ କରୁଛି। ସେଥିମଧ୍ୟରୁ ୧୮ ଯୋଡ଼ା ଟ୍ରେନ୍ ନଭେମ୍ବର ଶେଷ ସପ୍ତାହ ପର୍ଯ୍ୟନ୍ତ ଚଳାଚଳ କରିବ। ଏହା ବ୍ୟତୀତ ଦୁଇ ଯୋଡି ସ୍ୱତନ୍ତ୍ର ଟ୍ରେନ ବିହାରର ଦାନାପୁର (ପାଟନା) ଏବଂ ଜୟନଗରକୁ ଯାତ୍ରା କରୁଛି।
ଏହି ବିଶେଷ ଟ୍ରେନ ଦ୍ୱାରା ପୂର୍ବତଟ ରେଳପଥ ମଧ୍ୟରୁ ପ୍ରାୟ ୬୦୦ ଟ୍ରିପ ସ୍ୱତନ୍ତ୍ର ଟ୍ରେନ କାଳୀ ପୂଜା ଏବଂ ଛଟ ପୂଜା ସମୟର ଦେଶର ବିଭିନ୍ନ ପ୍ରଣତାକୁ ଯାତ୍ରା କରିବ। ଅତିରିକ୍ତ ଭାବରେ, ୧୪ଟି ଯୋଡି ସ୍ୱତନ୍ତ୍ର ଟ୍ରେନ୍ ରେଳପଥର ପରିସୀମା ମଧ୍ୟରେ ଗୋଟିଏ ରାଜ୍ୟରୁ ଅନ୍ୟ ରାଜ୍ୟ କୁ ମଧ୍ୟ ଯାତ୍ରା କରୁଅଛି ଯାହାକି ଗୁରୁତ୍ୱପୂର୍ଣ୍ଣ ସହର ଏବଂ ରାଜ୍ୟଗୁଡ଼ିକୁ ସଂଯୋଗ କରି ଟ୍ରେନ ସେବା ବୃଦ୍ଧି କରାଇ ଅଛି ଏବଂ ଏହି ଉଚ୍ଚ ଚାହିଦା ମଧ୍ୟରେ ନିୟମିତ ଟ୍ରେନ୍ ସେବା ଉପରେ ଯାତ୍ରୀ ଭାରକୁ ହ୍ରାସ କରିବାର ପ୍ରୟାସ କରାଯାଇଅଛି।
ସ୍ୱତନ୍ତ୍ର ଟ୍ରେନ୍ ଭୁବନେଶ୍ୱରରୁ ଧାନବାଦ୍ ଏବଂ ଯଶୋବନ୍ତପୁରକୁ ଚଳାଚଳ କରୁଥିବାବେଳେ ପୁରୀରୁ ପାଟନା, ନିଜାମୁଦ୍ଦିନ, ଉଧନା (ସୁରଟ), କୋଲକାତା, ଗ୍ୱାଲିଅର, ସାନ୍ତ୍ରାଗାଛି, ଶାଲିମାର ଏବଂ ଭଞ୍ଜପୁର (ବାରିପଦା) ପର୍ଯ୍ୟନ୍ତ ଚଳାଚଳ କରୁଛି।
ସେହିଭଳି ସମ୍ବଲପୁରରୁ ଏରୋଡ; ବିଶାଖାପାଟନମ୍ ଠାରୁ ସିକନ୍ଦରାବାଦ, ବେଙ୍ଗାଲୁରୁ, ତିରୁପତି, ଚେନ୍ନାଇ, କୋଲାମ, ଶାଲିମାର ଏବଂ ଆରାକୁ ପର୍ଯ୍ୟନ୍ତ ମଧ୍ୟ ବିଶେଷ ଟ୍ରେନ ଚଳାଚଳ କରୁଅଛି। ଏହା ବ୍ୟତୀତ ବ୍ରହ୍ମପୁର ରୁ ନନ୍ଦେଡ, ସିକନ୍ଦରାବାଦ, ସୁରଟ ଏବଂ ତିରୁପତିକୁ ବିଶେଷ ଟ୍ରେନ ଚଳାଚଳ କରୁଥିବାବେଳେ ଶ୍ରୀକାକୁଲମ୍ ଠାରୁ ସିକନ୍ଦରାବାଦ, ତିରୁପତି ଏବଂ କଟକରୁ ହାଇଦ୍ରାବାଦ ପର୍ଯ୍ୟନ୍ତ ବିଶେଷ ଟ୍ରେନ ଚଳାଚଳ କରୁଅଛି।