ଓଏଲ୍ ବ୍ୟୁରୋ: ଆରମ୍ଭ ହୋଇଛି ବିଧାନସଭା ଅଧିବେଶନ। ବିଧାନସଭା ଶୀତ ଅଧିବେଶନର ଚତୁର୍ଥ କାର୍ଯ୍ୟ ଦିବସରେ ବିଭିନ୍ନ ବିଭାଗ ଉପରେ ଆଲୋଚନା ଚାଲିଛି। ବିଧାୟକଙ୍କ ପ୍ରଶ୍ନର ଉତ୍ତର ରଖୁଛନ୍ତି ବିଭାଗୀୟ ମନ୍ତ୍ରୀ। ଏସବୁ ଭିତରେ ପୁଲିସ୍ ନିଯୁକ୍ତି ନେଇ ବଡ ତଥ୍ୟ ସାମ୍ନାକୁ ଆସିଛି। ଓଡ଼ିଶାରେ ୧୩,୩୭୩ ପୁଲିସ୍ ପଦ ଖାଲି ପଡିଛି ବୋଲି ବିଧାୟକଙ୍କ ପ୍ରଶ୍ନରେ ମୁଖ୍ୟମନ୍ତ୍ରୀ ଗୃହରେ ଉତ୍ତର ରଖିଛନ୍ତି। ଓଡ଼ିଶାରେ ୧୩,୩୭୩ ପୁଲିସ୍ ପଦବୀ ସମେତ ୨୪୧୬ ହୋମଗାର୍ଡ ପଦବୀ ଖାଲି ପଡ଼ିଛି। ଜେଲ ଗୁଡିକରେ ବି ୮୬୨ ପଦବୀ ଖାଲି ପଡ଼ିଛି। ଖାଲି ଥିବା ପଦବୀ ଗୁଡିକୁ ନୂତନ ଚୟନ ଓ ପଦୋନ୍ନତି ପୂରଣ ପାଇଁ ଆବଶ୍ୟକ ପଦକ୍ଷେପ ଗ୍ରହଣ କରାଯାଉଛି।
