ଓଏଲ୍ ବ୍ୟୁରୋ: ଆଜି ସରୁଛି ଶକ୍ତିକାନ୍ତ ଦାସଙ୍କ କାର୍ଯ୍ୟକାଳ। ଆସନ୍ତାକାଲି ୧୧ ତାରିଖରେ ଶକ୍ତିକାନ୍ତ ଦାସଙ୍କ ଠାରୁ ଦାୟିତ୍ୱ ଗ୍ରହଣ କରିବେ ସଞ୍ଜୟ ମଲହୋତ୍ରା। ବର୍ତ୍ତମାନର ଆରବିଆଇ ଗଭର୍ଣ୍ଣର ଶକ୍ତିକାନ୍ତ ଦାସଙ୍କ କାର୍ଯ୍ୟକାଳ ଆଜି ଶେଷ ହେଉଛି। ଏହା ପୂର୍ବରୁ ନୂଆ RBI ଗଭର୍ଣ୍ଣର ନିଯୁକ୍ତ ନେଇ ବିଜ୍ଞପ୍ତି ପ୍ରକାଶ ପାଇଛି। ବିଜ୍ଞପ୍ତି ପ୍ରକାଶ ପାଇବ ଶକ୍ତିକାନ୍ତ ଦାସ ସୋସିଆଲ ମିଡ଼ିଆ ‘ଏକ୍ସ’ରେ ଭାବବିହ୍ବଳ ପୋଷ୍ଟ କରିଛନ୍ତି। RBI ଗଭର୍ଣ୍ଣର ଶକ୍ତିକାନ୍ତ ଦାସ, ‘ଏକ୍ସ’ରେ ଆର୍ବିଆଇର ସମସ୍ତ କାର୍ଯ୍ୟକର୍ତ୍ତାଙ୍କୁ ଧନ୍ୟବାଦ ଜଣାଇବା ସହ ପ୍ରଧାନମନ୍ତ୍ରୀ ମୋଦି ଓ ଅର୍ଥମନ୍ତ୍ରୀଙ୍କୁ ଧନ୍ୟବାଦ ଜଣାଇଛନ୍ତି।
ସୂଚନା ଅନୁସାରେ, ଶକ୍ତିକାନ୍ତ ଦାସ ୨୦୧୮ ମସିହା ଡିସେମ୍ବର ୧୧ ତାରିଖରେ ପ୍ରଥମ ଥର ପାଇଁ ଆରବିଆଇ ଗଭର୍ଣ୍ଣର ହୋଇଥିଲେ। ଏହାପରେ ପୁଣିଥରେ ୨୦୨୧ ଡିସେମ୍ବର ୧୧ ତାରିଖରେ ଶ୍ରୀ ଦାସଙ୍କ କାର୍ଯ୍ୟକାଳକୁ ୩ ବର୍ଷ ବୃଦ୍ଧି କରାଇଥିଲେ କେନ୍ଦ୍ର ସରକାର। ୭ ଦଶନ୍ଧିରେ ଶକ୍ତିକାନ୍ତ ଦାସ ସବୁଠୁ ଦୀର୍ଘ ସମୟ ପର୍ଯ୍ୟନ୍ତ ଗଭର୍ଣ୍ଣର ପଦବୀ ରହିଛନ୍ତି। ୬ ବର୍ଷ ଗଭର୍ଣ୍ଣର ପଦବୀରେ ରହିଛନ୍ତି ଶକ୍ତିକାନ୍ତ ଦାସ। ତାଙ୍କ ପୂର୍ବରୁ ଗଭର୍ଣ୍ଣର ଭାବେ ବିମଳଜଲଣ ଦୀର୍ଘ ସମୟ ପର୍ଯ୍ୟନ୍ତ ଗଭର୍ଣ୍ଣର ପଦବୀରେ ରହିଥିଲେ। ସେ ୫ ବର୍ଷ ପାଇଁ ଆରବିଆଇ ଗଭର୍ଣ୍ଣର ଥିଲେ।