ଓଏଲ୍ ବ୍ୟୁରୋ: ଭାରତର ପଡ଼ୋଶୀ ରାଷ୍ଟ୍ର ବାଂଲାଦେଶର ସ୍ଥିତି ଅଣାୟତ୍ତ ହେଉଥିବାବେଳେ ହିଂସା ଯୋଗୁଁ ବାଂଲାଦେଶ ସ୍ଥିତି ଦିନକୁ ଦିନ ସଙ୍ଗୀନ ହେବାରେ ଲାଗିଛି। ଏସବୁ ଭିତରେ ରାଜ୍ୟରେ ବାଂଲାଦେଶ ଅନୁପ୍ରବେଶକାରୀଙ୍କୁ ରୋକିବାକୁ ଆଲର୍ଟ କରାଯାଇଛି। ବାଂଲାଦେଶ ଅନୁପ୍ରବେଶକାରୀଙ୍କ ଉପରେ ଉପରେ ନଜର ରଖିବାକୁ ରାଜ୍ୟର ସାମୁଦ୍ରିକ ଥାନା ଗୁଡିକକୁ ପୂର୍ବରୁ ସଜାଗ ରହିବାକୁ ନିର୍ଦ୍ଦେଶ ଦିଆଯାଇଥିବାବେଳେ ଆଜି ଗଭୀର ସମୁଦ୍ରରୁ ୭୮ ବାଂଲାଦେଶୀ ଧରାପଡ଼ିଛନ୍ତି। ୨ଟି ବଡ଼ ମାଛଧରା ବୋଟ୍ ସହ ୭୮ ଜଣଙ୍କୁ କୋଷ୍ଟଗାର୍ଡ ଧରିଛନ୍ତି। ସେମାନେ ଭାରତୀୟ ଜଳସୀମା ଭିତରକୁ ପଶି ଆସିଥିବା ସୂଚନା ରହିଛି।
