ଓଏଲ୍ ବ୍ୟୁରୋ: ରାଜ୍ୟପାଳ ପଦରୁ ଇସ୍ତଫା ଦେବା ପରେ ଆଜି ମହାପ୍ରଭୁଙ୍କ ଦର୍ଶନ କଲେ ରଘୁବର ଦାସ। ମହାପ୍ରଭୁଙ୍କ ଦର୍ଶନ କରିବା ପରେ ରଘୁବର ଦାସ କହିଛନ୍ତି, ମହାପ୍ରଭୁଙ୍କ ରାଜ୍ୟକୁ ସେବା କରିବାର ସୁଯୋଗ ମିଳିଲା। ଓଡ଼ିଶା ଓ ଓଡ଼ିଶାବାସୀଙ୍କ ପ୍ରତି ଖୁବ୍ ଭଲ ଅନୁଭବ ରହିଛି। ରାଜ୍ୟ ବିକଶିତ ଓଡ଼ିଶା ଲକ୍ଷ୍ୟରେ ଆଗକୁ ବଢ଼ୁଛି। ପ୍ରଧାନମନ୍ତ୍ରୀଙ୍କ ନେତୃତ୍ବରେ ଏହି ଲକ୍ଷ୍ୟ ପୂରଣ ହେବ। ଆଗକୁ ମୋ ଭୂମିକା କ’ଣ ରହିବ ଦଳ ନିଷ୍ପତ୍ତି ନେବ। କାର୍ଯ୍ୟକର୍ତ୍ତା ଭାବେ କାମ କରିଆସୁଛି ଆଗକୁ ବି କରିବି ବୋଲି ରାଜ୍ୟପାଳ ରଘୁବର ଦାସ କହିଛନ୍ତି।
ସୂଚନା ଥାଉକି, ଓଡ଼ିଶାର ନୂଆ ରାଜ୍ୟପାଳ ଭାବେ ନିଯୁକ୍ତ ହୋଇଛନ୍ତି ଡକ୍ଟର ହରିବାବୁ କମଭମପତି। ଏନେଇ ରାଷ୍ଟ୍ରପତି ଭବନରୁ ବିଜ୍ଞପ୍ତି ଜାରି କରାଯାଇଛି। ରଘୁବର ଦାସଙ୍କ ଇସ୍ତଫା ପରେ ହରିବାବୁ କମଭମ୍ପତି ରାଜ୍ୟପାଳ ନିଯୁକ୍ତ। ନିକଟରେ ରଘୁବର ଦାସ ଇସ୍ତଫା ପତ୍ର ରାଷ୍ଟ୍ରପତିଙ୍କୁ ପଠାଇଥିଲେ। ଇସ୍ତଫାପତ୍ରକୁ ରାଷ୍ଟ୍ରପତି ଗ୍ରହଣ କରିବା ପରେ ନୂଆ ରାଜ୍ୟପାଳ ନିଯୁକ୍ତ ହେଇଛନ୍ତି।୨୦୨୩ ଅକ୍ଟୋବର ୧୮ ତାରିଖରେ ରଘୁବର ଦାସ ଓଡ଼ିଶାର ରାଜ୍ୟପାଳ ଭାବେ ଦାୟିତ୍ୱ ନେଇଥିଲେ।