ଓଏଲ୍ ବ୍ୟୁରୋ: ରାଜକୋଟ୍ ଟି-୨୦ ମ୍ୟାଚରେ ଭାରତର ପରାଜୟ ପରେ ଏକ ଅଲୋଡ଼ା ରେକର୍ଡର ଅଧିକାରୀ ହୋଇଛି ଟିମ୍ ଇଣ୍ଡିଆ। ବିଶ୍ବ କ୍ରିକେଟରେ ଟିମ୍ ଇଣ୍ଡିଆ କ୍ରିକେଟର ୩ଟି ଫର୍ମାଟରେ ୭୦୦ଟି ମ୍ୟାଚରେ ପରାଜିତ ହୋଇଛି। ବିଶ୍ବର ତୃତୀୟ ଦଳ ଭାବେ ଭାରତୀୟ ଦଳ ୭୦୦ ମ୍ୟାଚରେ ପରାଜିତ ହୋଇଛି।
ବିଶ୍ବ କ୍ରିକେଟରେ ସର୍ବାଧିକ ମ୍ୟାଚ ହାରିବା ମାମଲାରେ କ୍ରିକେଟର ଜନକ ଇଂଲଣ୍ଡ ଆଗରେ ରହିଛି। କ୍ରିକେଟର ଜନକ ଇଂଲଣ୍ଡ ୨୦୯୦ ମ୍ୟାଚ ଖେଳିଥିବା ବେଳେ ୭୭୭ଟି ମ୍ୟାଚରେ ପରାଜିତ ହୋଇଛି। ସେହିପରି ଦ୍ବିତୀୟ ସ୍ଥାନରେ ଓ୍ବେଷ୍ଟଇଣ୍ଡିଜ ରହିଛି। ୧୬୮୨ଟି ମ୍ୟାଚ ଓ୍ବେଷ୍ଟଇଣ୍ଡିଜ ଖେଳିଥିବା ବେଳେ ୭୪୦ଟିରେ ପରାଜିତ ହୋଇଛି ଦଳ।
ସେହିପରି ତୃତୀୟ ସ୍ଥାନରେ ଭାରତ ରହିଛି। ଟିମ୍ ଇଣ୍ଡିଆ ଏପର୍ଯ୍ୟନ୍ତ ୧୮୯୨ଟି ମ୍ୟାଚ୍ ଖେଳିଥିବା ବେଳେ ୭୦୦ଟି ମ୍ୟାଚରେ ପରାଜିତ ହୋଇଛି। ସେହିପରି ୪ର୍ଥ ସ୍ଥାନରେ ଶ୍ରୀଲଙ୍କା ରହିଛି।
ଦଳ ଖେଳିଛନ୍ତି ହାରିଛନ୍ତି
ଇଂଲଣ୍ଡ: ୨୦୯୦ ୭୭୭
ଓ୍ବେଷ୍ଟଇଣ୍ଡିଜ: ୧୬୮୨ ୭୪୦
ଭାରତ: ୧୮୯୨ ୭୦୦
ଶ୍ରୀଲଙ୍କା: ୧୪୫୬ ୬୮୬
ନ୍ୟୁଜିଲାଣ୍ଡ: ୧୫୩୩ ୬୮୧
ପାକିସ୍ତାନ: ୧୬୯୭ ୬୭୬
ଅଷ୍ଟ୍ରେଲିଆ: ୨୦୮୨ ୬୬୯
ଜିମ୍ବାଓ୍ବେ: ୮୫୯ ୫୮୨
ବାଂଲାଦେଶ: ୭୭୬ ୪୯୧
ଦକ୍ଷିଣଆଫ୍ରିକା:୧୩୪୯ ୪୮୬