ଓଏଲ୍ ବ୍ୟୁରୋ: ଆରମ୍ଭ ହେଲା ଚାମ୍ପିଅନ୍ସ ଟ୍ରଫି ୨୦୨୫। ଦ୍ବିତୀୟ ବିଶ୍ବକପ୍ ଭାବେ ପରିଚିତ ଏହି ଦିନିକିଆ ପ୍ରତିଯୋଗିତା ପ୍ରାୟ ୮ ବର୍ଷ ପରେ ପୁନରାରମ୍ଭ ହୋଇଛି। ଟ୍ରଫିର ପ୍ରଥମ ମୁକାବିଲାରେ ମୁହାଁମୁହିଁ ହୋଇଛନ୍ତି ଆୟୋଜକ ପାକିସ୍ତାନ ଓ ନ୍ୟୁଜିଲାଣ୍ଡ। ପାକିସ୍ତାନର କରାଚୀ କ୍ରିକେଟ ଗ୍ରାଉଣ୍ଡରେ ଏହି ମୁକାବିଲା ଖେଳାଯାଉଛି।
ଟୁର୍ଣ୍ଣାମେଣ୍ଟର ପ୍ରଥମ ମ୍ୟାଚରେ ପାକିସ୍ତାନ ଦଳ ଟସ୍ ଜିତି ପ୍ରଥମେ ବୋଲିଂ କରିବାର ନିଷ୍ପତ୍ତି ନେଇଛି। ଯାହାଫଳରେ ପ୍ରଥମେ ବ୍ୟାଟିଂ କରିିବାକୁ ପଡ଼ିଆକୁ ଓହ୍ଲାଇବ ନ୍ୟୁଜିଲାଣ୍ଡ।
ରାଜନୈତିକ ଓ ସୁରକ୍ଷା ଦୃଷ୍ଟିରୁ ପାକିସ୍ତାନ ଗସ୍ତ କରିବାକୁ ଭାରତ ମନା କରିବାରୁ ଏହହି ବିଶ୍ବସ୍ତରୀୟ ପ୍ରତିଯୋଗିତା ହାଇବ୍ରିଡ୍ ମଡେଲରେ ଖେଳାଯାଉଛି। ଭାରତ ତା’ର ସମସ୍ତ ମ୍ୟାଚ୍ ଦୁବାଇରେ ଖେଳିବାକୁ ଥିଲା ବେଳେ ଅନ୍ୟ ସବୁ ମ୍ୟାଚ୍ ପାକିସ୍ତାନରେ ଆୟୋଜିତ ହୋଇଛି। ସମ୍ଭାବ୍ୟ ଭାରତକୁ ନେଇ ପ୍ରଥମ ସେମିଫାଇନାଲ୍ ଦୁବାଇରେ ଖେଳାଯିବ। ଫାଇନାଲ୍ରେ ଯଦି ଭାରତ ପ୍ରବେଶ କରେ ତେବେ ଏହା ମଧ୍ୟ ଦୁବାଇରେ ଖେଳାଯିବ, ନହେଲେ ଫାଇନାଲ୍ ଲାହୋରରେ ହେବ।
ପାକିସ୍ତାନ ଏକାଦଶ: ଫକର ଜମାନ, ବାବର ଆଜମ, ସୌଦ ସକିଲ, ମହମ୍ମଦ ରିଜୱାନ (ଅଧିନାୟକ), ସଲମାନ ଆଘା, ତୟାବ ତାହିର, ଖୁସଦିଲ୍ ଶାହ, ସାହିନ ସାହ ଆଫ୍ରିଦି, ନସିମ ଶାହ, ଅବ୍ରାର ଅହମଦ, ହାରିସ ରୌଫ୍।
ନ୍ୟୁଜିଲାଣ୍ଡ ଏକାଦଶ: ୱିଲ୍ ୟଙ୍ଗ୍, ଡେଭନ କନୱେ, କେନ୍ ୱିଲିୟମସନ୍, ଡାରିଲ ମିଚେଲ, ଟମ୍ ଲାଥମ, ଗ୍ଲେନ୍ ଫିଲିପ୍ସ, ମାଇକେଲ ବ୍ରେସ୍ୱେଲ, ମିଚେଲ ସାଣ୍ଟନର (ଅଧିନାୟକ), ମାଟ୍ ହେନରି, ନାଥନ ସ୍ମିଥ୍, ୱିଲ୍ ଓ’ରୁର୍କି।