ଓଏଲ୍ ବ୍ୟୁରୋ: ଉପକୂଳ ସୁରକ୍ଷାକୁ ସୁଦୃଢ କରିବା ତଥା ଯେକୌଣସି ଆତଙ୍କି ଶତ୍ରୁଙ୍କୁ ପ୍ରବେଶ ନ କରାଇବା ପାଇଁ ଆଜିଠୁ ସମୁଦ୍ରରେ ଦୁଇ ଦିନିଆ ମିଳିତ ସମରାଭ୍ୟାସ ଆରମ୍ଭ ହୋଇଛି। ସମ୍ଭାବ୍ୟ ସାମୁଦ୍ରିକ ବିପଦକୁ ପ୍ରତିହତ କରିବା ଏବଂ ଉପକୂଳ ସୁରକ୍ଷାକୁ ସୁଦୃଢ଼ କରିବା ପାଇଁ ଅଂଶୀଦାରମାନଙ୍କ ସତର୍କତାର ମୂଲ୍ୟାଙ୍କନ କରିବା ପାଇଁ ସମସ୍ତ କେନ୍ଦ୍ର ଏବଂ ରାଜ୍ୟ ସାମୁଦ୍ରିକ ସୁରକ୍ଷା ସଂସ୍ଥା ଏବଂ ରାଜ୍ୟ ପୁଲିସକୁ ସାମିଲ କରି ଆଜି ପାରାଦୀପ ଉପକୂଳରେ ଦୁଇ ଦିନିଆ ଉପକୂଳ ସୁରକ୍ଷା ଅଭ୍ୟାସ ସାଗରକବଚ ଆରମ୍ଭ ହୋଇଛି। ଏହି ଅଭ୍ୟାସରେ ୧୮ଟି ବିଭାଗର ଟିମ୍ ସାମିଲ ହୋଇଛନ୍ତି। ବିଭିନ୍ନ ବିଭାଗ ପକ୍ଷରୁ ମତ୍ସ୍ୟଜୀବୀଙ୍କୁ ତାଲିମ ଦିଆଯିବ।
