ଓଏଲ୍ ବ୍ୟୁରୋ: ଛାତ୍ରଛାତ୍ରୀଙ୍କ ପାଇଁ ବଡ ଖବର। ପୁଲିସ କମିସନରେଟ ଭୁବନେଶ୍ୱର ଏବଂ କଟକ ଆରକ୍ଷୀ ଜିଲ୍ଲାରେ ଛାତ୍ର/ଛାତ୍ରୀ ଟ୍ରାଫିକ ସ୍ବେଚ୍ଛାସେବୀ ପଦବୀ ପୂରଣ ପାଇଁ କମିଶନରେଟ୍ ପୁଲିସ ପକ୍ଷରୁ ଦରଖାସ୍ତ ଆହ୍ଵାନ କରାଯାଇଅଛି। ଭୁବନେଶ୍ୱର ସହରାଞ୍ଚଳ ଆରକ୍ଷୀ ଜିଲ୍ଲା ପାଇଁ ଦରଖାସ୍ତ ଗୁଡିକ ଏ.ସି.ପି ଟ୍ରାଫିକ, ଭୁବନେଶ୍ୱରଙ୍କ କାର୍ଯ୍ୟାଳୟରେ ଏବଂ କଟକ ସହରାଞ୍ଚଳ ଆରକ୍ଷୀ ଜିଲ୍ଲା ପାଇଁ କଟକ ମଧୁପାଟଣା ଛକ ସ୍ଥିତ ଏ.ସି.ପି ଟ୍ରାଫିକ, କଟକଙ୍କ କାର୍ଯ୍ୟାଳୟରେ ୧୮ ଏପ୍ରିଲ ସନ୍ଧ୍ୟା ୫ଟା ସୁଦ୍ଧା ଦାଖଲ କରିବେ। ନିର୍ଧାରିତ ତାରିଖ ପରେ ଦାଖଲ ହୋଇଥିବା ଦରଖାସ୍ତ ଗ୍ରହଣ କରାଯିବ ନାହିଁ। ଏଥିପାଇଁ ଆବଶ୍ୟକୀୟ ନିୟମାବଳୀ ଓ ଦରଖାସ୍ତ ଫର୍ମ ଭୁବନେଶ୍ୱର ଏ.ଜି ଛକ ସ୍ଥିତ ଏ.ସି.ପି ଟ୍ରାଫିକ, ଭୁବନେଶ୍ୱର ଓ କଟକ ମଧୁପାଟଣା ଛକ ସ୍ଥିତ ଏ.ସି.ପି ଟ୍ରାଫିକ, କଟକଙ୍କ କାର୍ଯ୍ୟାଳୟରେ ବିନା ମୂଲ୍ୟରେ ମିଳିବ । କମିସନରେଟ ପୁଲିସ ୱେବସାଇଟରେ ଏହା ଉପଲବ୍ଧ ।
https://bhubaneswarcuttackpolice.gov.in/wp-content/uploads/2025/04/STV-2025_organized.pdf