ଓଏଲ୍ ବ୍ୟୁରୋ: ଖୋର୍ଦ୍ଧା ଶିଳ୍ପ ମାନଚିତ୍ରରେ ପୁଣି ଏକ ନୂଆ ଫର୍ଦ୍ଧ ଯୋଡି ହୋଇଛି। ମୁଖ୍ୟମନ୍ତ୍ରୀ ମୋହନ ଚରଣ ମାଝୀ ଆଜି ଖୋର୍ଦ୍ଧା ଜିଲ୍ଲାର ହଲଦୀପଦା ଓ ଅରାଙ୍ଗ ଅଞ୍ଚଳରେ ୧୧ ଶିଳ୍ପର ଭିତ୍ତି ପ୍ରସ୍ତରର ଶୁଭ ଦେଇଛନ୍ତି। ହଲଦୀଦା କାଚ ଓ ଇଂଜିନିୟରିଂ କାରଖାନାର ଶୁଭ ଦେଇଛନ୍ତି। ସେହିପରି ଜୁପିଟର ରେଲ ହୁଇଲ କାରଖାନାରେ ୩୫୦୦ କୋଟି ନିବେଶ କରାଯିବାର ଯୋଜନା ରହିଛି। ଯେଉଁଠି ୨୧୦୦ ଲୋକଙ୍କ ପାଇଁ ନିଯୁକ୍ତି ସୁଯୋଗ ରହିଛି।
୫୩୫ କୋଟି ଟଙ୍କା ବ୍ୟୟ ରେ ହେବାକୁ ଥିବା ଶାଲିମାର କମ୍ପାନୀରେ ୪୦୦ ଲୋକଙ୍କ ନିଯୁକ୍ତି ସୁଯୋଗ ରହିଛି। ସେହିପରି ଏକ ପାନୀୟ ଜଳ ପ୍ରକଳ୍ପ ୫୫୦ ଲୋକଙ୍କ ନିଯୁକ୍ତି ସୁଯୋଗ ରହିଥିବା ସରକାରୀ ଆକଳନ କରାଯାଇଛି। ଏହି କାର୍ଯ୍ୟକ୍ରମରେ ଖୋର୍ଦ୍ଧା ବିଧାୟକ ପ୍ରଶାନ୍ତ ଜଗଦେଵ ଓ ଜଟଣୀ ବିଧାୟକ ବିଭୁତି ବଲବନ୍ତ ରାୟ, ଜିଲାପାଳ ଚଞ୍ଚଳ ରାଣାଙ୍କ ସମେତ ବିଭାଗୀୟ ଅଧିକାରୀ ମାନେ ଉପସ୍ଥିତ ରହିଥିଲେ।