କଟକ: ଆସନ୍ତା ୨୨ ତାରିଖରେ ବାରବାଟୀରେ ଭାରତ ଓ ୱେଷ୍ଟଇଣ୍ଡିଜ ମଧ୍ୟରେ ତୃତୀୟ ଦିନିକିଆ ମ୍ୟାଚ୍ ଖେଳାଯିବ। ଏଥିପାଇଁ ଆଜି ଠାରୁ ଦୁଇ ଦିନ ଧରି ଅଫଲାଇନରେ ଟିକେଟ ବିକ୍ରି ଆରମ୍ଭ ହୋଇଛି। ଆଜି ଓ ଆସନ୍ତାକାଲି ଦୁଇ ଦିନ ଧରି ଓସିଏ ସମ୍ମିଳନୀ କକ୍ଷରେ ଅନୁବନ୍ଧିତ ସ୍କୁଲ, କଲେଜ ଓ କ୍ଲବ ଇତ୍ୟାଦିକୁ ଟିକେଟ ବିକ୍ରି କରାଯିବ। ସକାଳ ୧୦ଟାରୁ ଟିକେଟ୍ ବିକ୍ରି ଆରମ୍ଭ ହୋଇଥିବା ବେଳେ ସନ୍ଧ୍ୟା ୫ଟା ପର୍ଯ୍ୟନ୍ତ ବିକ୍ରି ହେବ ଟିକେଟ।
ଏମାନଙ୍କ ପାଇଁ ୮ ହଜାର ୯୪୬ ଟିକେଟ ବିକ୍ରି ପାଇଁ ଧାର୍ଯ୍ୟ କରାଯାଇଛି। ଏଠାରୁ ଯେଉଁ ଟିକେଟ ବଳିବ, ତାକୁ କାଉଣ୍ଟରରେ ବିକ୍ରି କରାଯିବ। ୧୯ ଓ ୨୦ ତାରିଖରେ ୨ଟି କାଉଣ୍ଟରରେ ସାଧାରଣ ଦର୍ଶକଙ୍କ ପାଇଁ ଟିକେଟ ବିକ୍ରି ହେବ। ଟିକେଟ ବିକ୍ରି ପାଇଁ କଡ଼ା ସୁରକ୍ଷା ବ୍ୟବସ୍ଥା ଗ୍ରହଣ କରାଯାଇଛି। ଅନଲାଇନରେ ୮ ହଜାର ୧୫୦ ଟିକେଟ ବିକ୍ରି ସରିଥିବା ବେଳେ କାଉଣ୍ଟରରେ ବିକ୍ରି ପାଇଁ ୧୦ ହଜାର ୫୦ ଟିକେଟ ରହିଛି।
Comments are closed.