ଜାତୀୟ ରାଜପଥରେ ହାତୀ

କଟକ : ଆଜି ୫୫ ନମ୍ବର ଜାତୀୟ ରାଜପଥ ଗୋପାଳପୁର ଛକରେ ୨ଟି ହାତୀ ରାସ୍ତା ଉପରେ ବୁଲୁଥିଲେ। ୨ ହାତୀଙ୍କ ଯୋଗୁଁ ଗାଡ଼ି ଚଳାଚଳ ବାଧାପ୍ରାପ୍ତ ହୋଇଛି। ରାସ୍ତାର ଉଭୟ ପଟେ ଗାଡ଼ି ଅଟକି ରହିବାରୁ ଯାତ୍ରୀମାନେ ହଇରାଣର ସମ୍ମୁଖୀନ ହୋଇଛନ୍ତି ବୋଲି ସୂଚନା ମିଳିଛି। ଖବର ପାଇ ବନବିଭାଗ କର୍ମଚାରୀ ଓ ପୁଲିସ ଘଟଣାସ୍ଥଳରେ ପହଞ୍ଚି ହାତୀଙ୍କୁ ଘଉଡ଼ାଇବାକୁ ଉଦ୍ୟମ ଆରମ୍ଭ କରିଥିଲେ। ପ୍ରାୟ ୧ ଘଣ୍ଟାରୁ ଅଧିକ ସମୟ ଚେଷ୍ଟା କରିବା ପରେ ହାତୀ ନିକଟ ଅଞ୍ଚଳ ଡ଼ିହସାହି ଭିତରକୁ ପଳାଇ ଲୁଚି ରହିଛନ୍ତି। ହାତୀ ଯିବା ପରେ ଯାତାୟତ ସ୍ୱଭାବିକ ହୋଇଥିଲେ ମଧ୍ୟ ହାତୀ ନିକଟ ଅଞ୍ଚଳରେ ଲୁଚି ରହିଥିବାରୁ ସ୍ଥାନୀୟଲୋକେ ଭୟଭୀତ ଅବସ୍ଥାରେ ରହିଛନ୍ତି ବୋଲି ବୋଲି ସୂଚନା ମିଳିଛି। ଏଥିସହ ହାତୀ ପୁଣି ରାସ୍ତା ଉପରକୁ ଆସିବାର ସମ୍ଭାବନା ରହିଛି ବୋଲି ମଧ୍ୟ ସନ୍ଦେହ କରାଯାଉଛି।