ପଟ୍ଟାମୁଣ୍ଡାଇ: କେନ୍ଦ୍ରାପଡ଼ା ଜିଲ୍ଲା ପଟ୍ଟାମୁଣ୍ଡାଇ ଥାନା ଅଞ୍ଚଳର ଜଣେ ନାବାଳିକାଙ୍କୁ ନିଶାଦେଇ ୪ ଜଣ ଅପହରଣ କରିଥିବା ଅଭିଯୋଗ ଆସିଛି। ନାବାଳିକାଙ୍କୁ ନିଶା ଦେଇ ଏକ ବୋଲେରୋ ଗାଡ଼ିରେ ସେମାନେ ଅପହରଣ କରିନେଇଥିଲେ। ନାବାଳିକାଙ୍କ ଜଣଙ୍କ ଚେତାଶୂନ୍ୟ ହୋଇଯାଇଥିବାରୁ ତାଙ୍କ ସହ କଣ ହୋଇଛି ସେ ବିଷୟରେ ସେ ସଠିକ୍ ଭାବେ କହିପାରିନାହାନ୍ତି।
ମିଳିଥିବା ସୂଚନା ଅନୁସାରେ ଗତ ୧୨ ତାରିଖରେ ପଟ୍ଟାମୁଣ୍ଡାଇ ଥାନା ଅଞ୍ଚଳର ଜଣେ ନାବାଳିକା ତାଙ୍କ ମାମୁଁ ଘର ଗାଁକୁ ଚାଲିଚାଲି ଯାଇଥିଲେ। ସେହି ସମୟରେ ତାଙ୍କ ଗାଁର ଦୁଇ ଜଣ ଯୁବକ ଓ ଅନ୍ୟ ଗାଁର ଦୁଇ ଜଣ ଯୁବକ ମିଶି ନଦୀପଠାରେ ଭୋଜି କରୁଥିଲେ। ସେମାନେ ନାବାଳିକାଙ୍କୁ ଦେଖି ସେମାନଙ୍କ ପାଖରେ ଥିବା ଏକ ବୋଲେରୋ ଗାଡ଼ିରେ ଛାଡି ଦେବାକୁ କହିଥିଲେ।
ତେବେ ନାବାଳିକା ମନାକରିବା ସତ୍ବେ ନାବାଳିକାଙ୍କୁ ଜୋର ଜବରଦସ୍ତ ଗାଡିରେ ନିଛାଟିଆ ସ୍ଥାନକୁ ନେଇ ଯାଇଥିଲେ। ଆଉ ସେଠାରେ ନାବାଳିକାଙ୍କୁ ନିଶା ମିଶା ଥଣ୍ଡା ପିଇବାକୁ ଦେଇଥିଲେ। ପରେ ନାବାଳିକା ଥଣ୍ଡା ପିଇବା ପରେ ଚେତାଶୂନ୍ୟ ହୋଇଯାଇଥିଲେ। ତାପରେ ତାଙ୍କ ସହ କଣ ଘଟିଛି ସେ କହିପାରିନାହାନ୍ତି । ଚେତା ଫେରିବା ପରେ ନାବାଳିକା ଜଣଙ୍କ ନିଜଘରକୁ ଫେରି ସବୁ କଥା କହିବା ପରେ ନାବାଳିକାଙ୍କ ବାପା ପଟ୍ଟାମୁଣ୍ଡାଇ ଥାନାରେ ଲିଖିତ ଅଭିଯୋଗ କରିବା ପରେ ପଟ୍ଟାମୁଣ୍ଡାଇ ପୋଲିସ ଏକ ମାମଲା ରୁଜୁ କରି ତଦନ୍ତ ଆରମ୍ଭ କରିଛି।
Comments are closed.