ନୀଳଗିରି: ବାହାଘର ଦିନକ ପୂର୍ବରୁ ସେହି ଝିଅ ସହିତ ବିବାହ ନକରିବାକୁ ଯୁବକଙ୍କୁ ଦିଆଗଲା ଧମକ, ରାତି ଅଧରେ ଜଙ୍ଗଲ ଭିତରେ ହେଲା ବ୍ଲେଡ୍ ମାଡ଼। ଏଥିରେ ଗୁରୁତର ଆହତ ହୋଇଛନ୍ତି ମନୋଜ ବେହେରା ନାମକ ଜଣେ ଯୁବକ। ଏପରି ଏକ ଘଟଣା ନୀଳଗିରି ଅଞ୍ଚଳରେ ଚର୍ଚ୍ଚାର ବିଷୟ ହୋଇଛି। ନୀଳଗିରି ସୁଇଟସ୍ ଦୋକନ ମାଲିକଙ୍କ ପୁଅ ମନୋଜ ବେହେରା ବାହାଘର କାର୍ଡ ବାଣ୍ଟିବାକୁ ଗତକାଲି ଅପରାହ୍ନରେ ସଜନାଗଡ଼ ଅଞ୍ଚଳକୁ ଯାଇଥିଲେ ।
ସୂଚନା ଅନୁସାରେ ରାତିରେ ଫେରୁଥିବା ବେଳେ ତିନି କୋଶିଆ ଜଙ୍ଗଲରେ ୩ ଜଣ ଦୁର୍ବୃତ ବାଇକରେ ଆସି ମନୋଜଙ୍କୁ ଜଙ୍ଗଲ ମଝିରେ ଅଟକାଇଥିଲେ। ତାଙ୍କୁ ମାଡ ମାରିବା ସହ ସେହି ଝିଅକୁ ବିବାହ ନକରିବାକୁ ଧମକ ଦେଇଥିଲେ। ଏହାପରେ ମନୋଜଙ୍କ ଉପରେ ବ୍ଲେଡରେ କରିଥିଲେ ମରଣାନ୍ତକ ଆକ୍ରମଣ। ସେହି ରାସ୍ତା ଦେଇ ଯାଉଥିବା ଲୋକେ ଏହାକୁ ଦେଖିବା ପରେ ପହଁଚି ଯିବାରୁ ଦୁର୍ବୃତ୍ତମାନେ ଫେରାର ହୋଇଯାଇଛନ୍ତି। ପୋଲିସ ପହଁଚି ମୁମୂର୍ଷୁ ଅବସ୍ଥାରେ ମନୋଜଙ୍କୁ ଉଦ୍ଧାର କରି ଡାକ୍ତରଖାନାରେ ଭର୍ତି କରାଇଛି।
Comments are closed.