ବୌଦ୍ଧ : କୋକାକୋଲା ବୋଝେଇ ଟ୍ରକ୍ ଏବଂ ପରିବା ବୋଝେଇ ଟ୍ରକ୍ ମଧ୍ୟରେ ଧକ୍କା ହୋଇଛି । ମନମୁଣ୍ଡା ଥାନା ଅନ୍ତର୍ଗତ ଗୁଦୁଗୁଦା ଠାରେ ଦୁର୍ଘଟଣା ଘଟିଛି। ଏକ ପରିବା ବୋଝେଇ ଟ୍ରକ୍ ବରଗଡରୁ ଭୁବନେଶ୍ବର ଆସୁଥିଲା। ଦୁର୍ଘଟଣାରେ ଦୁଇ ଜଣଙ୍କର ମୃତ୍ୟୁ ହୋଇଛି।
ମିଳିଥିବା ସୂଚାନ ଅନୁସାରେ, ବୌଦ୍ଧ ଜିଲ୍ଲା ମନମୁଣ୍ଡା ଥାନା ଅନ୍ତର୍ଗତ ଗୁଦୁଗୁଦାଠାରେ କୋକାକୋଲା ବୋଝେଇ ଟ୍ରକ୍ ଏବଂ ପରିବା ବୋଝେଇ ଟ୍ରକ୍ ମୁହାଁମୁହିଁ ଧକ୍କା ହୋଇଛି। ଦୁର୍ଘଟଣା ଫଳରେ ଉଭୟ ଟ୍ରକର ଡ୍ରାଇଭରଙ୍କ ମୃତ୍ୟୁ ହୋଇଛି। ହେଲପର ଆହତ ହୋଇଥିବା ଜଣାପଡିଛି। ମୃତକମାନେ ହେଲେ ବୌଦ୍ଧ ଚାରିଛକର ଉତ୍ତମ ସାହୁ ଏବଂ ଖୋର୍ଦ୍ଧା ପିଚୁକୁଳିର କୁନା ମାଣିକ। ଗତକାଲି ବିଳମ୍ବିତ ରାତିରେ ପରିବା ବୋଝେଇ ଟ୍ରକ୍ ବରଗଡରୁ ଭୁବନେଶ୍ବର ଯାଉଥିବା ସମୟରେ ଗୁଦୁଗୁଦାଠାରେ ଦୁର୍ଘଟଣାଗ୍ରସ୍ତ ହୋଇଥିଲା। ଘଟଣାସ୍ଥଳରେ ମନମୁଣ୍ଡା ପୋଲିସ ପହଂଚି ଶବ ଉଦ୍ଧାର କରିବା ସହ ଆହତଙ୍କୁ ମନମୁଣ୍ଡା ଡାକ୍ତରଖାନାରେ ଭର୍ତ୍ତି କରି ଅଧିକା ତଦନ୍ତ ଜାରି ରଖିଛି।
Comments are closed.