ଭୁବନେଶ୍ୱର: ଆଜି କାଲି ଲୋକ ମାନଙ୍କର ମାନସିକତା ଟିକେ ଭିନ୍ନ ରକମର। ବିପଦ ବେଳେ ସମ୍ପଦ ଖୋଜିବା ସେମାନଙ୍କର ଲକ୍ଷ୍ୟ। ଏମିତି ଏକ ଘଟଣା ସମ୍ବଲପୁରର ବୁର୍ଲା ଅଞ୍ଚଳରେ ଦେଖିବାକୁ ମିଳିଛି। ବୁର୍ଲାର ପିସି ବି୍ରଜ ନିକଟରେ ଚାଳକଙ୍କ ଅସାବଧାନତା ଯୋଗୁଁ ଏକ ପିଆଜ ବୋଝେଇ ଟ୍ରକ ଓଲଟି ପଡ଼ିଥିଲା। ତେବେ ଟ୍ରକ ଓଲଟି ପଡ଼ିବା ମାତ୍ରେ କେତେକ ଅସାଧୁ ବ୍ୟକ୍ତି ସାଙ୍ଗେସାଙ୍ଗେ ସେଠାରେ ପହଁଚିଯାଇଥିଲେ। ଓଲଟି ପଡ଼ିଥିବା ଟ୍ରକରୁ ପିଆଜ ବସ୍ତା ଟେକି ନେବାରେ ବି ହେଳା କରିନଥିଲେ । ତେବେ ଖବର ପାଇ ପୁଲିସ ସାଙ୍ଗେସାଙ୍ଗେ ଘଟଣାସ୍ଥଳରେ ପହଁଚିଯାଇଥିଲା। ପିଆଜ ବୋହି ନେଉଥିବା ଲୋକଙ୍କୁ ଅଟକାଇଥିଲା। ଏମିତିକି କିଛି ଲୋକ ପିଆଜ ବସ୍ତା ଘରକୁ ନେଇ ଯାଇଥିବାବେଳେ ପୁଲିସ ସେମାନଙ୍କ ଘରକୁ ଯାଇ ପିଆଜ ଆଣିଥିବା ଜାଣିବାକୁ ମିଳିଛି।
Comments are closed.