ଯାଜପୁର: ଯାଜପୁର ବଡଚଣା ବ୍ଲକ୍ ବାଲିଚନ୍ଦ୍ରପୁର ଥାନା ଅନ୍ତର୍ଗତ ବାଲିଚନ୍ଦ୍ରପୁର ବଜାରରେ ଏକ ୧୪ ଚକିଆ ଟ୍ରକ୍ ଦୃତ ଗତିରେ ଆସି ଏକ ହୋଣ୍ଡା ଆକ୍ଟିଭା ଉପରେ ମାଡିଯାଇଥିଲା। ଫଳରେ ଘଟଣାସ୍ଥଳରେ ଆକ୍ଟିଭା ଚାଳକଙ୍କ ମୃତ୍ୟୁ ହୋଇଛି। ମୃତ ବ୍ୟକ୍ତି ଜଣଙ୍କ ଚାରିନଙ୍ଗଳ ଗ୍ରାମର କୁଳମଣି ସାମଲ।
ଘଟଣା ପରେ ତାଙ୍କ ପୁଅ ସତ୍ୟ ରଞ୍ଜନ ସାମଲ ବାଲିଚନ୍ଦ୍ରପୁର ଥାନାରେ ଏକ ଲିଖିତ ଅଭିଯୋଗ କରିଛନ୍ତି। ପୁଅ ସତ୍ୟରଞ୍ଜନଙ୍କ ଅଭିଯୋଗ ଯେ, ଟ୍ରକ୍ ଚଳାଉଥିବା ଡ୍ରାଇଭର ଜଣେ ମଦ୍ୟପ । ମଦ୍ୟପ ଚାଳକଙ୍କ ବିରୋଧରେ ଦୃଢ କାର୍ଯ୍ୟାନୁଷ୍ଠାନ ଗ୍ରହଣ କରିବା ପାଇଁ ଅଭିଯୋଗ କରିଛନ୍ତି। ବାଲିଚନ୍ଦ୍ରପୁର ପୋଲିସ ଘଟଣାସ୍ଥଳରେ ପହଞ୍ଚି ଉକ୍ତ ହୋଣ୍ଡା ଆକ୍ଟିଭା ଓ ଟ୍ରକକୁ ଜବତ କରିବା ସହ ମୃତଶରୀରକୁ ବ୍ୟବଚ୍ଛେଦ ପାଇଁ ବଡଚଣା ଗୋଷ୍ଠୀ ସ୍ଵାସ୍ଥ୍ୟକେନ୍ଦ୍ରକୁ ପଠାଇଛନ୍ତି। ଏନେଇ ଟ୍ରକ୍ ଡ୍ରାଇଭର ଫେରାର ହୋଇଯାଇଥିବା ସୂଚନା ମିଳିଛି ।
Comments are closed.